[سلطان العايضي]

[POEM="font="Simplified Arabic,5,black,bold,normal" bkcolor="transparent" bkimage="./images/backgrounds/4.gif" border="groove,4,gray" type=1 line=0 align=center use=ex num="0,black""]الرفيق اللي له القلب يشتاقي =والله اني مبطي عنه ما شفته
انتظر والصبر ماعاد ينطاقي = مشغل البال والفكر كلفته
له مكان معتبر داخل اعماقي = اتشرف به واماري بمعرفته
كاملٍ بالطيب وبحسن الاخلاقي = وسمعته بين النشاما مشرفته
اشهد انه مع هل الطيب سباقي = والمراجل في حياته محالفته
يستحق المدح والمنطق الراقي = لو اعدد كل الاوصاف ما انصفته
رفقته ماهيب حبر بالاوراقي = يوم بعض الناس دنياه مخلفته
طول وقته مع هوى النفس ينساقي = والعرب في حب ذاته موصفته
يبتدي بمقابله ودواعناقي = ومصلحة نفسه على الناس حاذقته
باللسان العذب يعطيك ميثاقي= والحقيقة حاجة الوقت جارفته
في كلامه يفتقد كل مصداقي =ما درى أن أيامه السود كاشفته
كل عاقل يكتشف سره الباقي = ويمه العقال ما هيب ملتفته
رفقة المحتال لابد تنعاقي = حبلها قاصر ولا هيب مسعفته

[/POEM]

أحمد بن سعود الحمد

الموضوع الأصلي: الرفيق اللي له القلب يشتاقي | | الكاتب: سلطان العايضي | | المصدر: شبكة بني عبس