قصائد رائعه
من اجمل القصائد المختاره اهديكم اروع الابيات
الشاعر عبدالله العليوي رحمه الله
شفتك مع اللي صار عقبي حبيبك %% واحتارت العبره بعيني وصديت
مدري هي الصدفه لدربي تجيـبك %% مدري انا اللي في دروبك تحريت
ملكتـني واقفـيــت ربـي حسـيــبـك %% ما تعرف الرحمــه بقلب توليـــت
يا قلب جـرحـك سـبته من طبيبـك %% يا قلب لـيـتـك بالوفـــاء ما تماديـت
من حبـنا كـل السـعــاده نصـيبـك %% يا فاقد الاحســاس عــــنـي تخلـيــت
وش فايــده لا قـلـت عـنـي حبيبـك %% وانت بحياتــك يـــوم ماظـن حبـيـت
.................................................. .................................................. ......
قـلي على الله وابتعد عـنـك وارتـاح %% قلي على الله بس من غير تجريـح
من شب نار الشوق ياشوق ماصاح %% واللي وطاها يشرح الجيب ويصيح
لولا الغلا ما هانت النفـــس ياصـاح %% محــبـتي لك مـا وراهـا مــصالـيـــح
وشلون تنسى يالغضـي كل مـا راح %% مركب غرامك سار مع وجهة الريح
القلب في يمناك ياعـــزوتـي طـاح %% وحنا على شــــــط الامل بك مجاريـح
جرحتني واحســبـك للقلـب جـراح %% اشـــــــوف بعيونك على الصـد تلميـح
.................................................. .................................................. ..............
اما هاذي القصيده رائه
ياعين هلّـي صافـي الدمع هليـه
والى انتهى صافيـه هلّـي سريبـه
يا عين شوفي زرع خلّـك وراعيـه
شوفـي معاويـده وشوفـي قليبـه
لا مرني بالـدرب ما قـدر أحاكيـه
مصيبـةٍ ياكبـرهـا مـن مصيبـه
اللـي يبينـا عيّـت النفـس تبغيـه
واللي نبي عيّـا البخـت لا يجيبـه
.................................................. .................................................. .......
الشاعر راشد بن جعيثن
خير
منك انتهــينا يا مخـيـب رجـانـا ..... الصــبر طال وعذبتنا المشـاويـر
في موت حبك يجبر الله عزانـا .....بيدك رميته لا تــقـــول المقاديـر
لـولاك حنـا ماتــبـدل غـلا نـا .....الوفا منا ولا منـك تـــقــديـــــــر
قلنا سحابه صيف تعـبر سمانـا .....وتزول ماله في سما الحب تأثير
غدرك على نسيان حبك حـدانـا ..... هذي ســواتك ما تفيد المعاذيـر
عفناك واللي عالم فـي خفانـا .....البعد عنك ارحم وقلبك مع الغير
تبيعنـا واليـوم تـبــكـي هــوانـا .....لا يا عديم القلب فرقاك لـي
.................................................. ..........................................
لا غــاب عن عينك حبيب ٍ تـــوده ... ..فاحسب نجوم الليل وامرح خلاوي
هذا وانا لي عنه ياناس مـــــــده .. ..والقلب من جور المحبه شقاوي
عن جيتي يمكن عذولـه يــــــرده... ..وإلا بهجري ناعم العـود نــاوي
مسكين قلب ٍ عودالحـــب ضـــده.. ...ماهو على خفق ٍ بفرقاه قـــاوي
هجري تعدى مع هوى البال حده .. ..وبعده على قلبي كثير الــبــلاوي
حبل الوصل يرخيه وإلا يــشــــده... ..انا على درب المحبه رجاااااوي
.................................................. ..........................................
وتقــــــبلو تحــــــــــياتي ,,,,
...............................................
آخر تعديل بواسطة منارة الذئاب ، 26-04-2009 الساعة 08:17 PM.
| توقيع منارة الذئاب |
|
|