الي الجوري
شلني شلني فوق جنح الغرام
صوب غيم الموده يالغلا شلني
خلني خلني استمد الهيام
اشرب الحب تكفا فالهوى خلني
يا سحاب الموده يا طشاش الرهام
يا وليف احبه بالعشق بلني
ان تهايت شفتك مثل بدر التمام
وان تباديت شوقك بالوله لمني
يا عيونك عيوني في عيونك تنام
بين رمشك ورمشك موجهن عمني
يا دموع التلاقي فوق روض السلام
يا شموع تضوت نورها ضمني
في حضورك حبيبي انسجم بنسجام
نور وجهك كفاني فالدجى دلني
كيف صبحن تلالا ساحبن له ظلام
كيف مدري ولكن كيف ما همني
بس كيف السمنه تنحني بحترام
يوم مر وشذاها خنها وخنني
لين بان المبسم بنسدال اللثام
طحت بين المصيبه والعشق كنني
الهوى من جنابه صابني فالعظام
لين بريد حشايه بالعشق علني
شفت كل المحاسن في سمو المقام
وارتقاء المفاتن بالشعر حدني
بين عقلي وقلبي قام شب الخصام
قال انا حبني و قال انا حبني
سولعي لو دماني لو مها لو حمام
لو رشا لو كناري لو حلم صابني
يا حبيبي احبك عد حرب وسلام
وعد طير يغرد بالهوى شاقني