[الماجدالذيابي]

هذي قصيده لشاعر:عادل الذيابي



البارحه ليلي هجد صمته البوح
وقامت تقادح بالضمير الطواري
وسهرت اسامرهاجس الياس والنوح
ومن الضلوع العوج شبيت ناري
كلي قصيد وحرن وآمال ومزوح
واحلام هددها الزمن بأندثاري
قلت ابتدا ليل القهر وابعد الضوح
وصبح السعد ماله بعيني مواري
تجبرني الفرقا على البوح وابوح
ويسريبي الهاجوس مع كل طاري
عافت مصابيح الفرج ليل مشفوح
اخفى الزمن صبح الفرج من نهاري
خوفي يرافق خطوتي وين ماروح
والصبر طال وبهذلته المساري
عشت الخيال بواقع كله جروح
وتشابهت كل الدروب بمساري
الغربه اللي بداخلي غربة الروح
احس بالغربه وانا وسط داري
شح الزمن اللي ترك قلب مجروح
ودنياي ماردت علي اعتباري
دنيا يعيش بها من الناس سلتوح
مايوجعه كثر العتب والمزاري
والا الوفي وجه مع الايام ملفوح
دايم على صكات الايام ضاري
وين انت ياوجه له القلب مفتوح
مثلك يقدر وقفتي وانكساري
يوم اختلط ليلي هواجيس وجروح
جيتك على حذف المقابيس ساري
هاك المشاعر جت على ذمت البوح
في وقت من صدق الاحاسيس عاري

الموضوع الأصلي: البارحه ليلي هجده بصمته | | الكاتب: الماجدالذيابي | | المصدر: شبكة بني عبس