الي الجوري
الحـال وضع االحال الأول.. ولازال
من عـــــــــام نفس الحــــــــال وأسوا زياده
ياما صبرت وطــال صبر العـنا طال
ولا عـــــــــــاد لي بالصبر حيل وجلاده
واللي محيرني كذا .. وأشغل البال
يوم التقي به وأعجــــــــــــــز اعلن وداده
وأرجع على وضع الشــــــــقاء باري الحال
اللـه و أكــــبر ياحظـوظ القراده
الشمس من لون الشفق دمها ســـــــــــال
والليل معتم .. والسهر فيــه عاده
عجزت أعدل فالموازين مامال
وأتعبت حــــــالي فوق جهد أجتهاده
أخذت أنا وأيـــاه والعمر رحال
حتى الأمال البيض خاوت سواده
فيها خجل من ربها يوم تختال
جمال ومحياوعقل وركاده
ريمية عن جملة الريم لاجال
رووس العدام ألها عن أرض الحماده
تفرق عن الترفات في كل الأجيال
رحمن كملها جمال ورياده
يافال مرباع الغـــــــــــلا .. فال وعقال
جــيتك حــقيقة رجــــــــل .. ذاق النكــاده
ياللي غديت بعالمي مضرب أمثال
حكمك يليق وطاعتي لك سياده
ياللي عليك أســــــــــمى مواثيق الأمال
ياتاج ســــــــــــــــاس الحب مدري بلاده
ودام الحمول أركت على متن رجال
ببقى على خبرك قوي الإراده
في لحـــــــــظة تربش من الهول عقــال
وانا على امال الرجـــــــــــــــاء من عناده
يامن لك أوضـــاعي ترى اليوم تنقــــــال
والصدق لي مخرج وفاء من قياده
جيتك وأنا كلي رجــــاء حلم ووصــــــال
وصمتي ورد حوض المنيه بلاده