[عبدالعزيز الخياري]

أهدي إليكم هذه القصيده المتواضعه من أحدى قصائدي



[POEM="font="Simplified Arabic,5,black,normal,italic" bkcolor="transparent" bkimage="./images/backgrounds/.gif" border="double,4,black" type=2 line=1 align=center use=ex num="0,black""]توك تذكر من على العالم أغـلاك=توك تجي وتقـول ياشـوق قلـه
مادام خنت اللي من الناس صافاك=وخلى غرامـك دولـةٍ مستقلـه
أعطاك من وده وياكثر ماأعطاك=وغيرك يموت ومنزلك ماوصلـه
يدمح لك الزله وتكثـر خطايـاك=ويـداوي العلـه وترجـع بعلـه
من بعد هذا كيف تبغاني أهـواك؟=وانت الذي مايرفق بحـال خلـه
خلاص ماباقي معي غير ذكراك=حتى أصبحت عندي بقايا مملـه
أوادعك قبـل ابتعـد واتناسـاك=مافيه رجعـه لـوّ دمعـك تهلـه
رح في مشاوير الجفا سير اخطاك=رحله سعيده يالرمـوش المظلـه
عزمت بالفرقـا ولاأريـد لقيـاك=والحب باسبابـك كرهنـاه كلـه
أبعد من النجمه على لمس يمنـاك=شرواي في حلو الحكـي تستغلـه
لاعاد تنشدني وش أسباب فرقاك؟=مافيه إجابـه رح ودربـك تدلـه [/POEM]


أخوكم::عبدالعزيز ابن دحيم الخياري

الموضوع الأصلي: توّك تذكر من على العالم أغــــلاك؟؟ | | الكاتب: عبدالعزيز الخياري | | المصدر: شبكة بني عبس