[عايض بن صالح]

السلام عليكم ورحمة الله وبركاته

اسعد الله جميع اوقاتكم بالخير والعافيه اليكم هذه الابيات التي تعبر عن نفسها..

[poem="font="Simplified Arabic,5,black,bold,italic" bkcolor="transparent" bkimage="" border="none,4,gray" type=1 line=1 align=center use=sp num="0,black""]ياطير ياللي تفل الريش وتمده= الك الفضاء الطلق والمرقاب مدهالي
عليك عيني تدير الشوف وتلده=ياعين عيني وياهمي وغربالي
اخيل برق المزون الغر في سده=مدري بروق الحياء والا يورالي
احيان برقه يجيله للبدو شده=واحيان دونه تقطع شوف الازوالي
مانام من برقه الشاوي على خده=يوماً بعض العرب عن بارقه سالي
لو ان برقه يشق المزن ويقده=ماجالهن مع خفوق الشيخ زرفالي
ماقبلنه حروف الظم والشده= والا يخيل المزن لو مابه اخيالي
يامريف يابو على ياطيب المده= يالصاحب الي علومك كلها جزالي
العام من بيننا هجمات مرتده= كلن يمرر على الثاني ويحتالي
احيان بالعارضه واحيان بالقده=واحيان تبرالها واحيان تبرالي
ومع كل هذا جسور الحب من مده= تقول ياعم وانا اقول ياخالي
لابد مزح النشاما الذرب لابده= لاصار يابو على من ناس عقالي
شرواك يلي بسط للمجتمع يده= في سلم والا بوقت حروب وقتالي
ياطير بالله ودله الخبر وده= واسلم وصل سلامي طيب الفالي[/poem]

الموضوع الأصلي: حـروف الظم والشده | | الكاتب: عايض بن صالح | | المصدر: شبكة بني عبس