[المعزب]

اقتباس من مشاركة السبع الضاري يامرحبا بمعزب الضيف والجار=الشاعر اللي يقتحم جرّد البيد الشعر يسريله على سمح الاكوار=مسرا النظا بذياب غانم وابا زيد ماهو شعر شواية الشعر بالنار=شوي الصقر في نار ما يعرف الصيد اشعارهم تشبه سواليف ثرار=جرة بهم في ملعب الغنّج الغيد!! يبلش به المذهِب ويفحم ويحتار=لاهو مصادير ٍ ولاهو مواريد اكثر قوافيهم تعسّر وتكرار=والمشكله مايعرفون المناقيد!! قصيد لكن كله أوهام واعذار=جمعا مقاريد ٍ وفرقا مقاريد! وان عودت لانظار شرهين الانظار=ياكثر ماابسمع عن الصيد بالحيد مير ان الاجوا ارعود وابروق وامطار=كل ٍ يسوي ماتبا النفس وتريد واليا عصف عج الرمك والدخن ثار=تلقى الحباري بالمذاري ملابيد والحر الأشقر تل مسباقه وطار= سبره بعيد وطالع ارموقه ابعيد هاك النهار اتميز اطوال الاشبار= والحمل تبعد عنه ملح المفاريد سبع الفلا الضاري

حيالله اللي عنّ صلفات الامهار= اللي عن عقول الاخلايق مشاريد
بنات فكر السبع ذربات وبكار=طلة مناضرهاً مثل طلة العيد
شرهات ماجاباً خبر كل دوار=وقع الحياء يامكثرين المناشيد
غبه امدورة الزبيدي لها آثار=تشوف بالعين الزبيدي مقاعيد
في حزم كاسيته نواوير الازهار=حزم الكماء ماهو بحزم الجلاميد
عليك ياطارد ورى السبع مشوار=الدار وحشه والمسافه جراهيد
علماً صدى صوته بأذن كل سبار=داخل اسموعه مثل ندح البواريد
عساه ياسبع الخلا يرد الاخبار=للي يحاولها على كسبة الفيد
ياما عطاه البرج تحذير وانذار=وانا عليه اكرر الصوت واعيد
طيار لكن حوطة فيه الاخطار=كلاً عليه مسدد الرمي تسديد
غروه في مغزاه صلفين الاشوار=اهل النقيلي مخلفين المواعيد هههههه
لاشك تبقى الدار عند اهل الدار = والا الكلام بغادي الراي ميفيد

الـمــعـزب