[قسورة الغاب]

ليتك من الي قلت يالسبع الجريح = ريحت نفسك قبل لا شويها شوي
نقزت من حزب النصر تقفاك ريح = تومي براسك لين حولت اتهوي
تبغي مع حزب الشباب ادنا مديح = مير انقرد حظك وعيت تستوي
وعنزت لسباع الفلا مانت النصيح = لكنهم شبوا تحتك المجذوي
ويوم انكشف وضعك ولعوزك النطيح = عودت يم النصر مخذول النوي
حنا بنينا ساس للبيت الفسيح = والا انت ياسمحان فالدار اجلوي
عزمك هوي وأن لزك الواهج تصيح = شنتك حر القيض يطويها طوي
مابل حلق الطير من دحوك نظيح = تارد نغص واتصدر اب لي وزوي
ماينقه الضرمان معناك الطريح = ولا حصل الماجوب من قافك خوي
اكبر بويتاتك من الرمضا يسيح = واطول مداك اربع بيوت وتنثوي
وليا التوا السانك وعناك الفحيح = عودت لعلوم الكسيح النينوي
مير استحينا لا نسميك الكسيح = ولا عذلنا عنك غاوي مهتوي
ماودنا نفتشك يالديس المسيح = ولا ندري احلمتك علي وش تحتوي
لكن فتحت الباب واكثرت النـ ......=واصبحت للمرما هدف ماينغوي
وش يمنع الرماي عن راس الذبيح = الي يبي يصوي بعد هذي صوي
واختامها نوصيك يالقلب السميح = بالصبر وانت امعاودي يابو جلوي

هلا فيك يالعقاد
ومنكم نستفيد وين الاخطاء الاملائيه
انا فتشتها ثلاث مرات او اكثر
مالقيت اي شي لكن
الظاهـر ماعرفت
تقراها عدل
او انا الي مدووووج هههههههههههههه