ياسلام الله على الماجود والي في طريقه = لاكن العنوان يبقى فالنهايه والــــــبدايـــــه
تالي الايام شفت الوضع في عكس الحقيقة = والحقيقة واضحه لاهل اللعقول بكل رايه
اولاً صياف اسم كبير وبنفس الوقت علامة استفهام!!!
المبدأ كايف ...ولو قال يبقى بالبدايه والنهاية أفضل عندي ..لأن البداية قبل النهاية......الشطر الأول من البيت الثاني صياغته لك عليها ....الشطر الثاني لاأدري منين جمّع كلماته؟
الشهري
ياهلا يامرحبابك بسم الاحرار الطليقـه=والعنواين انعرفهـا بالبدايـه والنهايـه
ياولد مايعرف اسرار الصديق الا صديقه=والبنادم مايطالـع وجهـه الا بالمرايـه
ياهلا...يامرحبا هنا السم بالعسل؟؟ولاينشد المغفل
بسم الاحرار الطليقه ....والعناوين انعرفها بالبدايه والنهاية .........ول يالشهري على هذي النوادر
بيوت شعرية بحته
صياف
البقا بك مير انا بنشدك عن خاتم عتيقه = لاتغرب في سوالي والله ان لي فيه غايه
سرنا محفوض ون قلناه في بير(ن) عميقه = ميرخل السر خله لين نلقى له جنايه
البيت الأول الشاعر تزحلط بالرد ،فاتت ياونيان،والبيت تركيبته رائعةوان كان على صيغة لغز واللغز في بيوت المحاورة فكرة ضعيفه ..لاتغرب في سوالي والله ان لي فيه غايه...رائع جداً
........البيت الثاني الشاعر يبا يتعرف على خويه ومدحه ولايدري انه سبه !!!!مدري قد يفكر انه مطب يطيح فيها الشهري !الشطر الأخير من البيت الأخير ،مناقض للشطر الأول من البيت الأول ..ممكن هون الرجل ..مدري
الشهري
خاتم العذرى ذهب لويغري الناظر بريقه=جابه الصواغ من منجم ذهب ماهو دعايه
قامت اتخاشر ملوك الغابه ملوك الحديقه=وأبتسم للناس ياصياف والنار بحشايـه
صياف
دام صنفته ذهـــــب خله لاعله للحريقه = مانبا نضيع عليه الوقت وتضبع الكنايـــــــــه
انت دام انك تعرف الدرب وتعرف الطريقه = سج رجلك مع طريق السنع والي تاه تايه
الشهري
معك ضيقه واحده وانا معي مليون ضيقه=وصفهم للقطن بالبترول هو سبت بلايـه
ياخويي لاتوصيني وانا عنـدي وثيقـه=تثبت الحق المهمش من سماسرت الولايه
صياف
كل لاعب مايناول غير لاعب من فريقه = لو مايعرف لعبة الكورة ولا عنده هوايه
ارق في عال الجبل واليابدالك رجم ويقه = لو تشوف الظل طوله زاد عن طول البنايه
الشهري
المدافع نوب يخفق لـو متابعتـه لصيقـه=لكن الاخفاق ماينشاف حسب آخر روايـه
حاسبين الثانيه ياللـي تحسبـون الدقيقـه=راي شخصي مير من يقنع براين غير رايه
صياف
كان ماشفت الخلاصه باقي الزبد بعليقه = اعرف ان السمن طبه غش من بعد العنايه
لي سنه واكثر ونا صابر وصبري من يطيقه = لادخلت السوق هبت لي هوا ماهي هوايه
الشهري
الرفيق اللي عيونه ماتشـوف الا رفيقـه=نوب اشك انه يناظر في سماء ماهو سمايه
المريض اللي ليامنه هرج يشرق بريقـه=طوقوه المعجبين بمنتجع مبنـي الرعايـه
صياف
الذبيحه ماتغير من ضحيه للعقيقه = الشروط مخالفه حسب المناهج والرويه
بعد علقنا على الموضوع سمكه مع رقيقه = كل رجال(ن) يعرف العلم لايبحث خفايه
الشهري
الذبيحه ماتقلـط بالمواعيـن الخريقـه=لاتكلف في عشاك ولا تكلف في عشايه
مالقيت الحل يوم النفس مطواع وشفيقه=وين ابلقى حل وسنوني تراقل في جمايه