رحم الله الشاعر عيد الخياري
واسكنه فسيح جناته
سجل اعجابي بهذي الابيات والقصيده بأكملها
عاشر صناديد الرجال المسافير اللي علي العازات دايم تسرك
وصديقك الصافي ترا نفعته غير ان مانفعك ابحاجة مايضرك
ويعطيك العافيه اختي بنت الخياري ولاهنتي
بالخير يامن تسمع الصوت بالخير
اسمـع كـلام الـصـدق لله درك
اسمع كلام اللي نقولـة بتفسيـر
افهـم جوابـي والجهـل لايغـرك
الى صار ماتقدر علي نية الخيـر
اسكت وكاف الناس خيرك وشرك
وان كان ماعندك للاجواد تقديـر
احذر ومن ضربت خطيرا يضـرك
ماتفيد يامنـك طبعـت المعاذيـر
ترميـك خـلان الرخـا ماتسـرك
يضحك ابوجهك خطو عفن معيثير
وياصار لـك لازم كبـا مايبـرك
وبالك اتشاور واحد مابعـد شيـر
لو انـك متسنـع ابرايـه يغـرك
تغتر بالسكبه وهو بـس تصويـر
والي قعد وسـط الرجاجيـل ورك
ترا المخرب مايجي منـه تعميـر
انـف المخـرب لايجـي مقـرك
عندك قبل مادام له تدهـن السيـر
وان شاف فيك امصيبـه مايمـرك
ايبـدل الحسنـه بسيـه وتكديـر
يقول انـا سالـم وعليـك شـرك
حيث ان بعض الناس مابعملته خير
يفـرح عليـك اود انـه يحـرك
عاشر صناديد الرجـال المسافيـر
اللي علي العـازات دايـم تسـرك