[الشبح]

صياف

ياسلام الله على الماجود والي في طريقه = لاكن العنوان يبقى فالنهايه والــــــبدايـــــه

تسلم على الموجود من الشعراء المذكورين بالعنوان فقط

تالي الايام شفت الوضع في عكس الحقيقة = والحقيقة واضحه لاهل اللعقول بكل رايه

هنا يقصد التغير الذي حدث لشعر في الايام الاخيره من مسابقات الخ .. ولكن كلها فاشله لانها تبحث عن الماده وليس الشعر ولا تهتم بالشعر


الشهري:

ياهلا يامرحبابك بسم الاحرار الطليقـه=والعنواين انعرفهـا بالبدايـه والنهايـه

هنا يرحب باسم الشعراء المذكورين بالعنوان ..


ياولد مايعرف اسرار الصديق الا صديقه=والبنادم مايطالـع وجهـه الا بالمرايـه


هنا لم يجاوب بشكل منطقي انما مجاراه لسد الفراغ



صياف

البقا بك مير انا بنشدك عن خاتم عتيقه = لاتغرب في سوالي والله ان لي فيه غايه

هنا الشك دخل صياف بان زميله لم يفطن للمعنى .. وأراد ان يسئله عن المعنى ما هو وهو ((خاتم عتيقه)) وهو يدل على انهم شعراء للمصلحه فقط يكسبون منهم المال ولما يخلصون منهم ينتهون

سرنا محفوض ون قلناه في بير(ن) عميقه = ميرخل السر خله لين نلقى له جنايه


اذا فطنت للمعنى فالسر محفوظ بيني وبينك.. فلا توضحه في صورة عشوائيه عشان لا تصير مشاكل ودليل هنا كلمه (جنايه)



الشهري

خاتم العذرى ذهب لويغري الناظر بريقه=جابه الصواغ من منجم ذهب ماهو دعايه

وهنا يقول ان الخاتم هذا مافيه مثله دامه من منجم ذهب ماهو دعايه ... لم يجاوب بالشكل المطلوب ....... لانه صياف بالاول قال عكس الحقيقه في البيت الاول

قامت اتخاشر ملوك الغابه ملوك الحديقه=وأبتسم للناس ياصياف والنار بحشايـه

وهنا قامت يختلط الحابل بالنابل .. يعني الزين والشين نفس الشي .. ولو قلت لك هالشي زين ترا النار داخلي



صياف

دام صنفته ذهـــــب خله لاعله للحريقه = مانبا نضيع عليه الوقت وتضبع الكنايـــــــــه

وهنا يقول بما انك وضفت هالشعراء بالذهب يعله للحريقه لانهم لا يمثلون الشعر بصله ...وماني متابع لهم وضيع وقتي عليهم


انت دام انك تعرف الدرب وتعرف الطريقه = سج رجلك مع طريق السنع والي تاه تايه

هنا يقول صياف بما انك تعرف الطريق الزين والشين ليه ما شاركت .. وتخلي التايه تايه بما انك تعرف طريق السنع



الشهري

معك ضيقه واحده وانا معي مليون ضيقه=وصفهم للقطن بالبترول هو سبت بلايـه

وهنا يوضح انه اذا انت متضايق فقط بسبب ضعف الشعراء انا متضايق بشياء ثانيه اكثر منك بكثير .. كانه يقصد المغنيات وغيرها الي تدش المسرح عند الشعراء

وقول اللجنه بانهم شعراء كبار ويسمونه باسامي مثل شاعر الوطن نسبوه الى ولد حجاب .. وهو بالاصل لخلف بن هذال


ياخويي لاتوصيني وانا عنـدي وثيقـه=تثبت الحق المهمش من سماسرت الولايه

وهنا يقول لا توصيني انا عندي مقدره ومعرفه بالشعر .. يثبت اني شاعر بعكس الشعراء الثانين



صياف
كل لاعب مايناول غير لاعب من فريقه = لو مايعرف لعبة الكورة ولا عنده هوايه


هنا صياف يتكلم عن اللجنه كل واحد يشجع له شاعر الي يبي لو انه ما يعرف شي بالشعر



ارق في عال الجبل واليابدالك رجم ويقه = لو تشوف الظل طوله زاد عن طول البنايه


وهنا يقوله استمر بالطريق هذا واتطور وروح شارك بالمسابقات ولا تهاب من احد



الشهري

المدافع نوب يخفق لـو متابعتـه لصيقـه=لكن الاخفاق ماينشاف حسب آخر روايـه


وهنا يقصد الجمهور الي يشجع الشاعر الي يتابعه ويشجعه لو كان تابعه متابعه جيده

وجاب شاعرهم شي فاشل ما يشفونه فاشل بل يشوفونه شي فوق الخيال وجميل ولا فيه اروع منه



صياف

كان ماشفت الخلاصه باقي الزبد بعليقه = اعرف ان السمن طبه غش من بعد العنايه

وهنا يقصد درب النهايه بالمسابقه يبين كل شي .. ويبين الغش


لي سنه واكثر ونا صابر وصبري من يطيقه = لادخلت السوق هبت لي هوا ماهي هوايه

وهنا كانه يقصد صياف انه كانه ينتظر البرنامج بعد النجاح الاول له ليشارك

ولكن عندما شارك تفاجئ بشي لم يتوقعه وهو عدم قبوله


الشهري

الرفيق اللي عيونه ماتشـوف الا رفيقـه=نوب اشك انه يناظر في سماء ماهو سمايه

وهنا يقصد ان الصاحب الي يشوف صاحبه بالمسابقه فقط ولا ينظر لشعر الاخرين فهذا شي خاطئ

فالشعر لا يعرف تعاطف

المريض اللي ليامنه هرج يشرق بريقـه=طوقوه المعجبين بمنتجع مبنـي الرعايـه

وهنا المريض يقصد الشاعر الفاشل لا قال كلمه شعر فاشله وساقطه .. الجمهور الجاهل يرفع له ويصفق له ويسوي له دعايات الخ

وهذا هو الحاصل بالشعر بالمسابقات ورأينا ذلك بالنسخه الثانيه

صياف

الذبيحه ماتغير من ضحيه للعقيقه = الشروط مخالفه حسب المناهج والرويه

وهنا يقول ان الشعر لا يتغير مهما كانت شروط اللجنه مخالفه لها وذلك حسب منهج الشعر والروايه الحقيقي


بعد علقنا على الموضوع سمكه مع رقيقه = كل رجال(ن) يعرف العلم لايبحث خفايه


وهنا يقصد بعد التعليق على الموضوع ومناقشته مناقشه تامه بيني وبينك في معنى مرسوم ومحكوم بشده

الرجاء لكل شخص يعرف المعنى لا يتكلم به



الشهري
الذبيحه ماتقلـط بالمواعيـن الخريقـه=لاتكلف في عشاك ولا تكلف في عشايه

وهنا يقول لا حياة لمن تنادي فهذا هو حال الوقت

مالقيت الحل يوم النفس مطواع وشفيقه=وين ابلقى حل وسنوني تراقل في جمايه

وهنا يقول ما لقينا حبل وحنا شباب وعندنا طاقه .. وين ادور الحل باخر العمر






هذا هو تحليلي الكامل للمحاوره القويه والرائعه التي جمعت علمين من اعلام الشعر بالشبكه

ويجوز الصواب والخاطئ والانسان ليس معصوم عن الخطا


صح اللسان الشعراء الكرام وشكرا اخي الزلزال على طرحها للمناقشه


الشاعر والناقد // الشبح