موضوع جيد بصراحه مدري وش صار في ذا الناس انا لي اكثر من يوم الناس كلها بس
تتكلم في ذا الموضوع حتى اني تغديت مره في مطعم
الي على يميني ويساري يتكلمون عن المكاين حقت الخياطه انا قعت اضحك حتى في المطعم لاحول ولا قوة الا بالله
انا عن نفسي اعرف ناس زين تواعدو يجتمعون في بيت احدهم وكل واحد
منهم يجيب المكاين الي عنده يسون مزادات مابينهم
فعلاً شوفو الجهل بدت السومه على احد المكاين بـ 30000ريال ذي السومه بس والله ماتصدقون وصلوسعرها لـ 200000ريال لاحول ولاقوة الا بالله
وأحدهم عرض سيارته مقابل مكينة خياطه خذ المفتاح وعطني المكينه والله شي يضحك
وعندنا في الرياض طلعت المغرب ومسكت الدايري متجه جهت الحراج مسكت راسي قلت عسى خير لايكون حادث لاحول ذا ونا ماوصلت للحراج توي على الحراج 11كيلو باقي والله قعت ونا في الطريق مايقارب ساعه وربع وصلت وشفت الناس كنهم في الحج حتى سياراتهم ملبقينها على يمين الطريق عشان ايش عشان مكينه ههههههههههههههه قال ايش قال لعبت على فلان شريت المكينه منه بـ500ريال بس ههههههههههههه يلعب على نفسه يمكن
وغير الي لهم اربع ايام ماينامون عشان ايش عشان مكينه يدور عليها في الرياض ولا في ديرته واخر شي شكل محلات الخياطه الرجاليه والمشاغل النسائيه بتقفل ويعرضونها للتقبيل وتصير بيوتهم هي أماكن الخياطه للملابس لا والتفصيل بـ40ريال ههههههههه انا كنت عارف انها اشاعه ماشيه مليوون وطلعت فعلاً اشاعه ناجحه اصبح فيها وفايات وجلطات بسبب الخسايرهههههههههههه طلعت اسهم انا قعت افكر شوي بيني وبين نفسي قلت ليش ما أسوي اشاعه متأكد مليون وست مية الف % انها بتنجح هههههههههههههههههههههه بصراحه الف شكر على طرح هذا الموضوع القيم
تقبلو مروري " الدغيلبي"