[مسندالعويمري]

اقتباس من مشاركة ناصر الشويلعي رواد هذا لصرح الشامخ ائيليكم مردي على قصيدة الشاعر ابو خالد مسند العويمري وان شاء الله يعذرني وتعذروني اذا فيه تقصير بردي عليه يقول مسند العويمري. يأجمل تحياتي وياعذب الالحان = ويهاجسي غن الشعر في الحونه هاج الخفوق وهاجس الفكر رنان = وترازمن مثل الرعد في مزونه وثارن على فكري كما ثور بركان = وتربعن بين الصدر من متونه وضيَفتهن ضيفت كريمن ومنان = والضيف وافي والبشر يكرهونه وقلت أعرض القصه على طير حوران = اللي بصعبات اللقى يعرفونه وزرفلت له حيلن من انتاج ريمان = من هجن جدي والعرب يعرفونه من فوقهن ربعن لهم بالوفاء شان = اللي كلام الحسد مايعرفونه قلت احملو خطي لناصر صو يان = الي على حد اليمن يذكرونه كله سلام وباقة ورود مليان = قل اتصاله قلة لازم تجونه وهذا ردي على ابو خالد مسند العويمري البارحه مانمت والنوم سلطان=يوم الأوادم ليلهم يرقدونه قضيت ليلي حاير الفكر سهران=وانا الذي فارق منامه عيونه قمت اتذكر شئ في ماض الازمان=شئ ٍ ذكرته وشئ ٍ ألياس دونه كني سجينن بين حايط وجدران=في موقع ٍ عليه ضاقت ركونه عليه تهمى وكل الاقراب عدوان=وزود ٍ على ماحصل اله يشتمونه وطلعت من بحر الهواجيس غرقان=والليل مظلم ومتبدد سكونه وصبحت كني اتحرالي انسان=أو واحد ٍ يدق في تيلفونه وقعت طول اليوم ضايق وبلشان=مدري وش اللي بضمير مخزونه وصدفه وانا جالس متكي وحيران=لاأهل ركاب ٍ وسمنا ياسمونه وفزيت فزت من فقد غال الاخوان=اللي عقب فرقاه جنت جنونه ونطحتهم عجل ٍعليهم وشفقان=فرحه بترحيبه بنفس ٍحنونه قلت أقلطو حيالله طوال الايمان=على الشحم والبن واللي تبونه قالو عجال قلت مايصير ياخوان=الكم علينا واجب ٍتأكلونه وتشاورو من بينهم بس الاثنان=قالو عجالا والعشى تخرؤنه قلت اصبرو ساعه وساعه على شان=نقدم الواجب لكم في صحونه ونشدتهم من وين لاوين يفلان=قالو من حدود الكويت وحصونه معنا الك خط ٍ مضرف بعنوان=من شاعر ٍ بينك وبينه ميونه ورحبت بالمرسول مع راعي الشان=اعداد مادن الرعد في مزونه وبعد مادكو فوق بنات ريمان=راحو مناكيف السهل يسهجونه فكيت ضرف ٍ فيه معنى وقيفان=نظم القصيد اللي تشوق الحونه وانا على نظم التماثل ولاهان=حتى الحمام اجاوبه في شجونه حييت ياخط ٍ لفاني مسيان=من شاعر ٍ ضني يقارب ضنونه يامسند الدنيا تجارب وبرهان=حتى الجماء لازم تطايح سنونه ان كان تنشد وين خاتم سليمان= أهل سباء بالقيس هم يخبرونه وان كان تنشد وين قبر ابن عجلان=في دولة الاردن ماشونك بشونه وان كان جاتك من قليلين الأحسان=اللي رحاهم دائم ٍ يدرجونه اذنك لاتصغيها الضعيفين الأيمان=جاك الكلام ولال عينك مهونه وان كانها يامسندي زلت السان=ابعد عن اللي فيه نفس مغبونه وان كان تنشد وين ناصر صويان= طيب ومتعافي بستر ومصونه وتم الجواب وزبدة الهرج نيشان=وحنا على عهد الوفاء مانخونه والسلام

اقف لك اتحرام وتقدير وعتزاز بهذا الرد وهذا ماتمنيت ان يكون بيني وبينك

ابو خالد صح السانك وبيض الله وجهك على هذا ارد ورساله وصل بكل ماتعنيه

اذنك لاتصغيها الضعيفين الأيمان=جاك الكلام ولال عينك مهونـه

اتشرف بهذي النصيحه شكرا لك ولا هنت