[محمد العبدالله]

	السلام عليكم ورحمة الله وبركاته . . . قصيدة عزيزة على قلبي كتبتها عن صرح شامخ عن تاريخ عريق عن قبيلتي التي اعتز وافتخر واتشرف بها . . بني رشيد عسى أن تنال رضاكم . .

تضايقت وأمسى خاطري يانديمي عمس=تجول الهجوس بخاطري كيف أهديها
ابرفع قصيدي عن بيوت الهزل والطفس=وابنسج خيوط الشعر وابعتني فيها
وأنا جاز لي نظم القصايد بربعي عبس=صناديد قوماً وافياتن مباديها
تبين الحقايق واضحة ماعليها لبس=ولو حاول الحاقد بكذبه يغطيها
لنا من شموخ العز مايرتقي للشمس=ولنا صفحةً حبر القلم مايوفيها
اسود الحرار معديت كل رجمً ظبس=عذاب المهار محسفت من يعاديها
ليا ثار دخان الوغى يرخصون النفس=لهم هامةً غدر الزمن مايوطيها
رجال المواقف والوفا مبعدين الرمس=زحازيح عبس مدلهت من يخاويها
غرسنا الوفا بأعماقنا والمروة غرس=على خوة الطيب نحافظ ونشريها
وعسى بارقً يلوح يمت مراتع عبس=حقوقه على الحرة ويروي مضاميها

الموضوع الأصلي: سقت الفرايد . . . | | الكاتب: محمد العبدالله | | المصدر: شبكة بني عبس