لا والله الا صارت الحرب صارت
كل ٍ يعزز ماقعـه مـع جيوشـه
الهدنه اللي قبل عاميـن طـارت
وسط الدروج المقفلات مخشوشه
انمارتن قامـت تناطـح انمـارت
بحربن ماداها طايل ٍ ماهي هوشه
حنا لهابوجيه حـزب الخسـارت
لعيون من يزها كفوفـه نقوشـه
بالقاذفات اللي تشيـل العمـارت
ياقرد حض اللي عظامه تنوشـه
مع طائراتٍ بالسمـاء لاستـدارت
مثل الحرار اللـي ادور معوشـه
بحزبن مجهز ينتظـر للاشـارت
اعيال عبس ابطال ماهي مغشوشه