اشعلي جمر اللقا وادفي بـرودي
جيت كلي خوف وكفـي ترتعـش
جيت اصافح هالمسا واثبت وعودي
ويوم شفتك طاب قلبـي وانتعـش
ياغيوم الشوق اسقينـي وجـودي
من شرب من ماك ماذاق العطـش
ياصباح الشعر ثوري في ركـودي
غيـري طبـع الولافـه بالوحـش
آتهجد في قيامـي فـي سجـودي
وكل ما تطريـن للقلـب ارتبـش
اعذريني في التجاوز عن حـدودي
قولي عقله بعض الأحيان انكمـش
كلما ارسلت في وصلك جنـودي
ما يجيبك جيش فكري لـو غبـش
ليتك ديانا وانـا لـك مثـل دودي
واهني القلـب بـك كـان ابتلـش
ياربيع الأرض هاذي هي وفـودي
هاجسي صوبك على فاله طـرش
لا يجف المـا ولا تذبـل ورودي
واخذي المعنى بـلا ايـة طفـش
الي الجوري