بسم الله الرحمن الرحيم
السلام عليكم ورحمة الله وبركاته
هاذي محاوره بين الشاعر المرتكز والشاعر الجبل
المرتكز
ودي اسولف مع رجال العرف والي فات فات=يازين طعم السالفه لامن صدق مرسولها
بنت الهواء تشكي عليه حالها والقلب مات=والعله الصرماء رجالن تدعي بحلولها
الجبل
سولف وعطنا كان عندك من علومن طيبات=والكلمه الي ناقصه تحسب على الي يقولها
بنت الهواء تال الزمن جابت علومن بينات=والجمه اليا من صفت لاتامنون حثولها
المرتكز
خلك يبن شداد تبكي فوق روس النايفات=عبله خذوها الي على الفزعه تسوق زمولها
الجمه الزرقا تغير طعمها والون بات=ياهل البيوت الي على الهجعه تخل خلولها
الجبل
بنذرك يارجال لاتقرب ذيابً جايعات=اصبر وذيك الحرب تسمع من يطق طبولها
ياكثر ناسً عينها لشجره تشوف ثمرات=والي يجيها واليدين قصار صعب يطولها
المرتكز
ترى الجبل ياصحابنا حامت عليه الحايمات=الله يبارك في رجالن تعتزي بفعولها
لو الجبل ياربعنا يمشي معي عشر سنوات=يشيب لونه ولد والناس من مفعولها
الجبل
اعرف مقر الضلع يافاهم ولاتبغاء وصات=كان انت من ناسً على الدنياء كبار عقولها
اليا مسكت المال يارجال لاتنساء الزكات=اصرف زكاتك للعرب لامنه ابداء حولها