[بدر الحشية]

[POEM="font="Simplified Arabic,5,black,bold,italic" bkcolor="transparent" bkimage="./images/backgrounds/8.gif" border="none,4,gray" type=2 line=0 align=center use=ex num="0,black""]من يرخصك بيعه مع الناس (بتراب)=لاتعترف باللي مـع النـاس باعـك
اخلق لنسيانه مع الوقـت الأسبـاب=ولاتعتبر هالأمـر قصـة ضياعـك
وإن كان قلبك عن طواريـه ماتـاب=خلك بعقلك كـان هالعقـل طاعـك
سافر مـع الأيـام لاتقفـل البـاب=وخفف بهالمعنـى علـوم إندفاعـك
اصمـد وقـاوم لاتخـوَّف وترتـاب=خلِّك قوي وانشر ببحـرك شراعـك
دوَّر على اللي يحترم درب الأحبـاب=اللي طباعه بالوفـا مـن طباعـك
لاقال يصدق مايجـي يـوم كـذَّاب=ولاقلت يِحْسِنْ بالحديـث إستماعـك
من طيبته تشتاق له كـل ماغـاب=ويشتاق لك لاعاش وقت إنقطاعـك
تلقاه بالضيقه معك خير الأصحـاب=يزعـل لضيقـك مايـدوِّر وداعـك
لأخطأ بحقك يعتـذر قبـل تنصـاب=ولأخطيت في حقَّه تحـرى دفاعـك
لامن عطى من قلب مايحسب إحساب=تلقاه قربـك لأسـود الهـم لاعـك
حلمه رضاك ويلتقي منك الإعجـاب=وهنـاه لامنـه تـوسـد ذراعــك
[/POEM]

منقول
وسلامتكم

الموضوع الأصلي: من يرخصك بيعه مع الناس بتراب | | الكاتب: بدر الحشية | | المصدر: شبكة بني عبس