[االعدهي الرشيدي]

إليكم هذه المشاركه آمل أن تنال إعجابكم وإستحسانكم

يالله إني في رجاء فزعتك يـاذا الجـلال
ياكريم ٍ كل مـن يلتجـي بـك مايخيـب
تفرج لعبد ٍ همومه مثـل سمـر الجبـال
في رجاء عفوك ورحمتك وأنت المستجيب
ضاعت أحلام الليالـي وعشنـا فالخيـال
الله أقـوى يازمـان القـراده والنصيـب
القصيده مثـل عـذرا ً تباهـي بالـدلال
ومن عطاها حقها نجمهـا مالـه مغيـب
أتخيـر للقوافـي معانيـهـا الـجـزال
لجلها تسهـر عيـون ٍ عليهـا الله رقيـب
صغتها ماهو طرب من عنى جرح الليـال
أشهد إني من عنى جرحها حالي عطيـب
من عناه العقل شارف على حـد الهبـال
والسبايب جرحها اللي سطى عيا يطيـب
سابـح ٍ بالهـم ماللفـرح عنـدي مجـال
في بحور اليأس وأمسى الغرق من قريب
دايم أصحاب الرخى مثل كوم من الرمال
ساعة تهب الشدايد عـن الناظـر يغيـب
كيف أحقق مطلب ٍ صار لي صعب المنال
عشت في رجواه وسط الوطن كني غريب
والسؤال ليا طرحته جوابـه لـي سـؤال
مسأله وأحترت في حلها وأمـر ٍعصيـب
وجور الايام أشتكوا منه قدامـي رجـال
وكم شباب ٍ لاشكى همها رأسـه يشيـب
جايـرات حمولهـا مابهـا حيلـه تشـال
بس أنا اللي للهدف رميته دايـم تصيـب
بالصبر قام الجمل قااااااام وحموله ثقـال
وساعة الشدات حنا لهـا والكـذب عيـب
والله إني من رجال ٍ لهـا التاريـخ قـال
يصبرون إن جارت حمولهم مافيه ريـب
مسند ٍ رأسي على العز عمـان وخـوال
المنايـا حوضهـا نـارده ورد القلـيـب
والشجاعه تاجها ملكنـا فـي كـل حـال
عزوة أجدادي نهار اللقاء سقـم الحريـب
والفخر والعز والجـود حنـا لـه مثـال
في سجل المجد تاريخنا روضه.....
والكرم ماحدنـا عنـه فقـر وقـل مـال
من بغاه الله سهل لـه الامـر الصعيـب

الموضوع الأصلي: يالله اني في رجاء فزعتك ياذا الجلال.. | | الكاتب: االعدهي الرشيدي | | المصدر: شبكة بني عبس