يسعدني ويشرفني ان انقل لكم هذه المحاوره بين الشاعرين
الشاعر زايد ابن عدله والشاعر الكبير خالد عايش وهي اول محاوره للشاعر
زايد ابن عدله واول مقابله له للشعراء الكبار في ميادين المحاوره
وحبيت ان انقلها لكم
*****************************************
زايد ابن عدله
في حفلة مزيد متعب مرحبا بالجميع **** رديتن يبلش الشعار تحليلها
يالشخ خالد علام شعيل عيا يطيع **** يبرك بجنب الحموله مير ما يشيلها
خالد عايش
في حفلة مزيد متعب بالمكان الرفيع **** لاكن الاحلام قلي كيف تاويلها
الظاهر انك عبرت مع الطريق السريع **** سيارتك ماتوقف لو نناديلها
زايد ابن عدله
السالفه في ليال الصيف قبل الربيع **** واظنها ماوصلت يمك مراسيلها
سيارتي يازميلي ماتزل وتضيع **** وان انزلت بالبحر ياحمد سرى ليلها
خالد عايش
ربعك تراها تضوي كل غزوه قطيع **** وانته من رجال ماتشرب فناجيلها
والنعم ياعويمري فيكم وابوكم شجيع **** مايلتفت للدموع ولا مناديلها
زايد ابن عدله
البرق جاء مع السماء والسيل مع كل ريع **** شوف السحابه غلى راسك هماليلها
والنعم يامظيبري شاعر وصدرك وسيع **** مير العرب ويش اسوي في مهابيلها
خالد عايش
انا انتظرت الاذاعه مير عيا المذيع **** عصابة ايران وش تقدر تسويلها
زايد ابن عدله
انا نشرت الخبر وانا الخصيم اللكيع **** بالغابه اللي تعشى اسدها بفيلها
امل ان تحوز على اعجابكم
وشكرا
**********************************