بسم الله الرحمن الرحيم
السلام عليكم ورحمة الله وبركاته
هذه المحاورة بين الشاعر شاعر الوطن والشاعر الجلاد
شاعر الوطن
تعال يلي تجلـد العالـم بـلا فعـل وسبـب=من يظلم العالم يدور الوقت ويظلمه الزمن
الليله الليله ترا حـزب الفقـر جـاه الكسـب=الكسب واضح مكسبه معروف من شاعر وطن
الجلاد
جيناك وأختر هل تريد الخيزران أو الركب=لانك طويل السان ومهايط وفالح بالرطن
يعني أنت مكسبنا يالله العجب يابو عجـب=من فوق راسه جابها المسكين ومسوي فطن
شاعر الوطن
اثرك بلا فعل (ن) قوي وشلون لو شب الحطب=ياحزب ياحزب الفقر ماجبت لي غير العفن
جاك امتحان اليوم يا طالب مع ربعـه رسـب=الحي يحييكم قبل وقفى وجا وقت الغبن
الجلاد
أن وصلت الأحزاب حزبي راس وحزيبك ذنب=وأن وصلت علوم الرجال أعرفك محلوق الدقن
وشلون أبعاتبـك وأنتـه منـت قـداً للعتـب=أفلول حزبك كلها يلعب بها راع اليمن
شاعر الوطن
تبغى الصراحه حزبكم مثل البنات الي بشنب=يعني من اهوال الزمن مثل العماير والسفن
تبقى الحقايق باقيه والقطن ماهـو كالذهـب=وسعر الذهب غالي ولا يشريه راعي للقطن
الجلاد
يحول يالمسكين حبلك صار معنا منكرب=لكن مالومك من اسباب الزلازل والمحن
لاتطاول الاهرام وانته ماتقـدم لشبـب=أستر على حالك وكبر بالفرايض والسنن
شاعر الوطن
لا باس يا شاعر يشب النار ما جـاب الحطـب=الدين واضح ينعرف ياتابع احسين وحسن
يالله ياربـي تشافـي اقلـوب ماليهـا الغضـب=محدٍ من الدنيا مريح وانت مصدار الفتن
الجلاد
حرام أشب النار وانته يحرقك ضوح اللهب=وأنا من أهل الدين ماوجه لأبوعشر وعدن
لا و اخسارة حزب بندر فيك عاقة بالعرب=فرصة مع الجلاد هذي ماتقدر بالثمن
شاعر الوطن
جلاد مثل النخله الي ينجني منهـا الرطـب=جلاد مجلودٍ بوسط السوق مدري بالسجن
انته تبعت مسيلمه ومسيلمـه مصـدر كـذب=عينك بلا رمشين وشوية تطيح من الجفن