جدكم رشيد ابن عبس بالعلم الاكيد **** * فارسن من ساس فارس نقين معدنه
وحد بلاده على عز باليوم الشديد **** * واملكوا شبه الجزيره بشامه وايمنه
احتماها جدكم قبل عصره لايبيد **** * هذه ديرة بني عبس من قبل ازمنه
ديرتي ديرة اهل العز والراي السديد **** في جبالن سود فيها من النار ادخنه
بين حايل والمدينه مبانها تشيد**** شرقها ابانات والغرب خيبر وايمنه
والمشيخه الابن براك من عصرن بعيد **** * من عصر جده وابوه المشيخه مزبنه
جده دليم ان سمع صوته الخيل برديد **** * قام يصهل في اسطبله اسوات امجننه
والمشيخه بالحجاز امعروفه والاكيد ***** فارس سرور الرشيدي مطالعها منه
جده اللي بالمليليح حطلهن مصيد **** * وان تعزوى بصالحه كل قاسي لينه
وبالكويت النا قبيله على عصرن مديد ***** ساسنا واحد وحنا تفرعنا منه
المسيلم محتميها وماقفها وكيد **** *كل عبس اهل البلد عند قايدها احصنه
ولانسينا ربع بركي وابن عمه حميد **** * صفنا واحد على طيب والا ملعنه
هذي اشيوخ القبيله تفيد وتستفيد**** * والفوارس ودي اقول روس بينه
ابن عدله ردها يوم شبوها وقيد **** * طش قايدها من اعلى اشداده واطعنه
وابن حماد اسلوا عنه حماي المديد **** * وابن سمره وابن قعبوب ياناشد عنه
والبيارق سبع يمشن في صفن جويد **** * للامام الفيصلي عند عبس امعينه
لابتي ياكم منها طلع شيخ وعقيد **** * فعلهم بالمعركه مثل فعل الفرعنه
عبس حنا ماطلع بيننا خبل ورعيد **** * الشجاعه عبس اهلها بحصن امحصنه
عنا وهو اصغير قبل بلغ الرشيد**** * عند عبس تدربه للوغى وتلقنه
لين يعرف كيف يرمي وفي رميه يصيد *** **يحتزم في بندقه فوق خيلن عننه
عبس حنا باللقى حظنا دايم سعيد *** **والحسد والحقد عنا بعيد مدفنه
نمن الخايف وناطا على الراس العنيد ** *** كل راسن معتلي فوق عبس انطمنه
ماخضعنا غير لله خلاق العبيد ** **ثم طاعات اوليا الامر ابره واحسنه
والخوي ندراه عن كل منقود وضهيد ** *** ماسمع منا الخيانه وعوج الالسنه
عبس حنا باللوازم مثل ضلعن محيد * ****الخيول امسرجه والذلول امرسنه
تشهد النا معركه بالخناق ام الهديد *** ** وتشهد اشريفه ويشهد النا يوم اقرنه
وتشهد النا الدبه اللي تعشوهن وريد ** ***زايد ومدهاس والويحق العلم اضمنه
والمعارك لو بغينا نحسبها بتعديد ** *** كان طالت سالفتنا ورى مية سنه
مير نعطيك اختصارات والباقي رصيد * **** راجع التاريخ وتشوف فعلي بجهنه
لابتي عز وكرم لابتي شعر وقصيد ** ***لابتي يشهد لها الشعر طيبه واثمنه
في عصور الجاهليه وبالعصر الجديد ** ***الوفا والصدق والشعر فيهم مسكنه
يشهد النا عنتره فارس القوم المجيد ** *** فارسن مافيه مثله بعصره واوطنه
هذه قصة بني عبس وافهم لاتحيد *** **افهم الهرج افهمه خل عنك الدندنه
من جهل في فعل ابن عبس في يوم الوعيد ** ***ايعكس كلمة بني عبس ويعرف امعنه
ولانقول قصور في كل شعار القصيد * **** والقبايل كلها ونعم ماهي هينه
قالها زايد ولد عبس والماقف شهيد ** ***نبذتن فيها اختصارات ماهي معلنه
من جنونن ترتقص رقص في راسن عنيد *****طيشتني وارفعتني لحد الشيطنه
وياهجوسي يوم كلن يقول اللي يريد *** ** اسلم واسلم على كل عبسي بوطنه
.................................................. ..............................................
