يلي طريقك على القصيم=متوجهن صيبة الديره
فوق اشهباً كامل التصميم=مدبلاتاً مساميره
خطه يشابه لخط الريم=عن الوطاء فيه تشميره
يمرس كما مراسة الظليم=لاجاه عقب الونس ذيره
مدري هبوباً تقفة غيم=ماغير ومده وتصفيره
لدريوله مايبيح الضيم= والي بصندوقه سبيره
بقيادة الي ماهو غشيم= ماصر في راحته قيره
قديم بقيادته قديم=عليه دايم مشاويره
لديار بدواً سقاها الديم=لوهي تصافق معاصيره
عنده مثل روضة ام خريم=الياتشابك نواويره
يتلي قطيعاً عقب تهجيم=ذوداً تداحم مصاغيره
ماراح عليه للتنعيم=ولاوقفه عند كوفيره
خشن الملامح ماهو سقيم=عنده على سمعته غيره
بالله لحضه مع التكريم=بوصيك ياطيب السيره
لاجيت عبدالله ابراهيم= الي كبر معي تقديره
سلم على صاحبي تسليم=ابو ابراهيم ماغيره
كريم والله هو الكريم= للضيف مبدى معاذيره
عزالله انه ولد حكيم= الله يكتبله الخيره