أنا وأنتي حكايتنا..مثل:صـدر السمـا والطيـر= كثيـر اللـي يطالعهـا ولحـد طالهـا غـيـره
مساء الخير _ هالمره _بلاش أسف على التأخير= مـدام الـرد بعيونـك دمـوع فكـل تأخـيـره
ثقل دم العذر, وألا كسح وجـه الخطـاء تبريـر= مدامك عارفـه طبعـي اجـل وشولـه الحيـره
ترى ماجيت لجل اسمع سوا ليفك عن التقصيـر= (اعرف إن الخطاء مني)بـلاش نعيدهـا لسيـره
أنا وأنتـي بهـا لدنيـا تحملنـا بعضنـا كثيـر= تعودتي على عنادي وصرت أحـب هـا لغيـره
أنا وأنتي حكايتنا..مثل:صـدر السمـا والطيـر= كثيـر اللـي يطالعهـا ولحـد طالهـا غـيـره
أنا وأنتي حكايتنا..مثـل لعبـه, وطفـل صغيـر= مع انه دوم مهملها رفـض يسمـح بهـا لغيـره
أنا وأنتي..وش اوصفلك ؟؟عجز عن وصفنا تعبير= مثل!مدري!مثل وشو!ولكـن صعـب تصويـره
أنا وأنتي _بلاش أنتي _أنا_لو بفقـدك شيصيـر= مجرد طاري الفرقا علـي يـا صعـب تأثيـره
احبك؟إيـه أحبـك..ذي بعـد يبغالهـا تفكـيـر = يخلـف الله علـى عقـلا ملكتـي كـل تفكيـره
تعالي نحترم (شيبـة غلانـا) لعنبـو التصويـر= تعالـي نغتنـم فرصـة لقانـا دامهـا قصيـره
(مساء اللي تبي, حاضر ولا تزعل )صباح الخير= أنا كـل يـوم بتأخـر إذا فـي دمعتـك خيـره
م
ن
ق
و
ل