ياصاحبي لا تشعل النار في الجوف=ماتدري اني مـن فراقـك حزينـي
بس السبب يازين واضح ومعـروف=ولا هوب حاجز صار بينك وبينـي
ماردني عن ماجرى عنكم الخـوف=ايضـا ولا ذنبـن جننـه يديـنـي
بوقف هنا بالشرح لوكنـت مكلـوف=واقفل على الموضـوع لا تسألينـي
شفت الوضع يستلهم افكار وحروف=وتبين انصـاف الرجـال السنينـي
وجه الغريب اصبح مع الوقت مألوف=وبـاب الرفاقـه تقفلـه كلمتيـنـي
لا غرك التمييز بالقطـن والصـوف=لا لا تغامـر انـشـد العارفيـنـي
يامفتـح العينيـن والقلـب مكفـوف=يخونـك التمييـز فـي الكفتيـنـي
تنسى العواقب يافضولـي وملقـوف=خلاص بسكـت.. يسلـم السالمينـي
ضيف المرشدي