السلام عليكم ورحمة الله وبركاته
اخواني واخواتي اسعد الله جميع اوقاتكم بالمسرات..
اليكم هذه القصيده التي تعبر عن نفسها..
يادار للماضي رسوم وبقايا=عليه تجذبني سلوكاً دقاقه
مسموملاتاً من بطاهن عرايا=يوميبهن لفح الهوى واصتفاقه
شايب على الماضي سبوتي حفايا=ماغير الحاضر علي العلاقه
لوفيه للشاري عروض ومزايا=يبقى المواطن محتفظ فالبطاقه
حبيت فالماضي ليال الصبايا=طلق الهوى معهن عشقته عشاقه
لو ان قلبي مودعاته شوايا=شوفة ليال البيض فيهن شفاقه
وليلاً تجمع به وجيهن برايا=اخير من شمس الحسد والحماقه
الي عسلهم فيه سم الحيايا=لون الذهب لونه ومراً مذاقه
حلف الظنون مبيتين النوايا=قوماً على اللي يفعل الطيب عاقه
عليك يلقون الردى والزرايا=لو علمك ابيض يلحقونك الحاقه
وصبر المريض الي دواه الكوايا=صبرك على جور الرفيق ونفاقه
والوقت دوراته تبيح الخفايا=ماتعيش في ظل النفاق الصداقه
والكبر مثل بالظهور الحنايا=كم واحداً عن غاية النفس عاقه
اصبح مقوس فوق هزل المطايا=وده يسير ويمنعه عظم ساقه
موقف يذكرني براع الودايا=الي على قلبي كبيراً فراقه
الله يبيحه من جميع الخطايا=يجزاه بالجنه وخير الرفاقه