[شموخ رشيديه]

من يقول ان بهجرانك شقيت
وإني من صدك تعبت من الصبر

ومن يقول اني من أسبابك شكيت
صعب قلبي في غيابك ينتظر

لاتصدقهم تراا والله نسيت
وقلبي اللي خابره قبلي قدر

ذاك أول لابعد قلبك سريت
مع سحاب الهم وانواع الكدر

كنت احبك كنت لو تبكي بكيت
تطلب اعيوني ولك عمري مهر

كنت لي فرحي ولو حتى خطيت
امسح الزله ولو ابادلك العمر

ولا حظر طيفك نسيت اني عنيت
وان بعدت شوي يذبحني القهر

لكن انت اللي تكبرت وعليت
والغرور اعماك من فوق الحدر

غيروك الناس والظاهر نسيت
اني من أجلك تعلمت الشعر

ماهو بكيفك اذا طولت جيت
تحسبني بنتظر كل الدهر

راح حبك ياحبيبي وانتهيت
وماتحركني لو حتى تمر

في صدودك لاتحسبني شقيت
لاوربي لاهموم ولاسهر

أتمنى تعجبكم تحياتي للجميع

الموضوع الأصلي: راااح حبك ياحبيبي وانتهيت ........!!! | | الكاتب: شموخ رشيديه | | المصدر: شبكة بني عبس