بسم الله الرحمن الرحيم
السلام عليكم ورحمة الله وبركاته
هذه المحاورة بين الشاعر بندر عايش رئيس حزب النازي والشاعر ناصر خنيفر رئيس حزب العمده
بندر عايش
سـلام يالعمـدة وانــا لانــي صحـيـب ولا طلـيـب=جيت ولقيتك في بلد ريفي وعندك طايره
وانا اعرف ان الريف ما فيها حضارة يا عجيب=وشلون جتك التقنيه وابنك يدربي تايره
ناصر خنيفر
لابله الا لي طليب ياقايد الحزب الرهيب=ياللي تجمع حزب مايحمل ذخيره ثايره
البدو وصلت للقمر سلطان وشويالحبيب=افهم ياضابط محترم لطيح وسط الدايره
بندر عايش
يا شايب الرحمن تتصابى ويرهقك المشيب=ودك ترد اللي مضى وصحبة زمانك بايرة
عندي سؤال وودي القى له مع امثالك مجيب=تساير الطرقي لا منه جاك والا تخايره
ناصر خنيفر
انا شباب القلب والمنظر كما غصنن رطيب=وعقيد لركاب والنضا وقت اليال الجايره
الطرقي اللي مايجي لناس في علم ٍ معيب=نكرمه في سلمنا وبحسن علوم نسايره
بندر عايش
يانجم امد الك النظر وتصير للناظـر قريـب=وانا ادري انك يانجم ضمن النجوم الغايره
سال القهد قبل سنتين وسال من سيله شعيب=وشفتك تبطح بالشعيب ولا تخاف العايره
ناصر خنيفر
ماني قريب مار شوفك للمبعد مايجيـب=طالعت وضربك الشعاع اللي يابندر زايره
انته تصنفلك علوم ٍ للخطيـه ماتهيـب=هاذي علومٍ ماحدثت ابدا ولا هي صايره
بندر عايش
تقرب لهقواتي وانا بنـدر ولـو رأسـك صليـب=يجيك مني ما تقف قدمه عيونك حايره
وقت التسلط راح والشايب من الرمية صويب=حنا نجيكم من سعه وانتم دماكم فايره
ناصر خنيفر
ابعد عليك من السماء لكـن رجلـك ولهيـب=والله ليبطي مابرت من فعلنا ضمايره
ان عاش راسي غير اشتتكم مثل وصف الذهيب=ياهل القلوب اللي على الاصحاب دايم جايره