[عايض ابن جوهر]

ما أطيب القاف لامنه على عرف ساقي = خاطرى للنقاش الواقعي مسفهلي
مدرق عن مشارية الرجال ادراقي = من عقد حبل للحبل المعقد يحلي
جعل ياقاك من كل الصواديف واقي = صل واكثر على للى للفضايل يدلي
المخايل مطرها قدم عينك حقاقي = ياعسى الظلم عن كل العباد أمتجلي
ياجمل شيل حملك يا عسى ما تعاقي = الردية حشى ماعاد هي بهدفلي
انت لاتلومني ما كل شئى يطاقي = والخطاء يابو تركي ماهو بجايزلي
وسع الدرب حتى ما يحصل اختناقي = انت عرفك ياناصر ماهو يضمحلي
مبعدن هوقوتك بالحيل ويش انت هاقي = الردى يعلم الله ماهو بمنزل الي
انت خلك حكم وش داعي الاحتراقي = ياعسى العدل سيفة يابن عمي يسلي

اخوكم الشاعر / عايض بن جوهر

الموضوع الأصلي: الخطاء... يابو تركي .. ماهــــــــو | | الكاتب: عايض ابن جوهر | | المصدر: شبكة بني عبس