[جميل مساعد]

اليكم جديدي وهي عباره عن نصيحه وهي لا تمس لاحد بعينه وانما كانت هذه القصيده في ادراجي واردت ان ترى النور فقط لاغير وفيها أقول:

ذكرى قديمه شرعت كل الأبواب = باب القصيد وباب هم (ن) لجابه
واليوم شفها حالت أستاذ طلاب = سطر حروفه وأنهمك بالكتابه
الخوه اللي مابها خير تنعاب = ضحك (ن) على ادقون النشاما حرابه
خالطت بالدنيا عزيزين وأقراب = شفت المذله في عيون المهابه
واحد يصدرها على كيف ماطاب= بامره يسير السير طب وطبابه
مشغول قلبه بين طيب وكذاب =طبعه ردي متلبسه مع ثيابه
ولد الردي لوجاك في شكل خلاب =أبعد ولا يغريك حضرة جنابه
واحد يقول الحرب بندق ومشعاب = لا لازمت ماتشوف غير انسحابه
هرجه على مسكين واضعيف الأطناب = محد(ن) درى في صيحته والتهابه
الحر حر ودايم العرق غلاب = والذيب عاوي ياعريب الذيابه
راحت معزتنا لهايم ومغتاب = لين أصبحت بالليل هم وكابه
وأنا أحمدالله كل شي(ن)له أسباب = فعصورنا والا عصور الصحابه
ماعاد فيها ستر جلباب وحجاب = الفار ماعمره حكمله فغابه..

الموضوع الأصلي: ذكرى قديمه... | | الكاتب: جميل مساعد | | المصدر: شبكة بني عبس