اعزائي زوار شبكة عبس انقل لكم هذي القصيدة التي اتمنى ان تحوز على رضاكم
يا نفس عفّي عن هواء صاحبٍ عف =عفّي عن اللي قد غدا منك عايف
يا نفس يوم إن الندم لفني لف =وش عاد يا نفسي تفيد الحسايف
الصاحب اللي لا رجيته تأفف =خليه يا نفسي للأيام شايف
خليه يصفق من ندم كف في كف =خليه للحسرات عض الشفايف
يمديه يفهم دمعتي ليه تذرف =ويمديه يعرف ليه أنا كنت خايف
يا ما عطيته ما غلا سعره وخف =وياما تحملت العنا والكلايف
واليوم ما له غاية بي ولا شف =ما كننا في يوم كنا ولايف
صدّق كلام قيل عني مزيف =ما كنت أظنه يسمع لقول زايف
حسبي عليهم غيروه الملقف =حتى غدا من قربي اليوم عايف
ناصر السلمان
4774