[رياح الشرق]

مستور العصيمي

شعلة الملعبه عندشعارها = خلو الملعبه نيرةٍ في حطب= والمواقيف نعرف رياجيلها
الرياجيل وان حكمة شارها = من عطاها ذهب يستلمها ذهب = تعتدل كل ماميلت ميلها

ناصرمرسال

ملعبتنا تبى تشتعل نارها= ميرحذرى يغطي عليك اللهب = من يميني تولع قناديلها
اعرف ايمينها وأعرف يسارها= وأعرف امر الهداوه وأعرف الغضب = والسحابه تبيّن هماليلها
مستور

البلا جارتٍ خانها جارها = ماتجي في قوانينكم ياعرب = حملتك شيلها ياجمل شيلها
طائره راح مخطوف طيارها= كان عنها بعيدٍ ومنها اقترب = واكثرالناس ماهوا بصاحيلها

ناصرمرسال

تصفق امواجها وانت بحارها = ياراع البحر لايزل فيك الخشب = وإن تعدتك لاعاد توميلها
العرب يمكم لدت انظارها = انظرم لندم وإنظرم للعتب = ياغزاتٍ تخّجل محاصيلها

مستور

اطلت حيّة الغار من غارها= واعرضت لي عسى يعترضها سبب = انقطع راسها وانقطع ذيلها
ليت راع المنيحه وبيطارها = يوم وثّق ديوس المنيحه حلب = الليالي كثيره تهاويلها

ناصر

انت محتالها وانت مكارها = يازهر الذيل وشبك تلفّ الذنب = والشياطين ترفع مناديلها
والمعازيب داريت خطارها = لكن الضيف كلّه عجب في عجب = مير مع طلعت الشمس ندعيلها


منقوووول

الموضوع الأصلي: محاوره غريبه بين مستورالعصيمي = ناصرمرسال | | الكاتب: رياح الشرق | | المصدر: شبكة بني عبس