قبيلة بني رشيد - احداث العالم لــــــــــــــعبدالله باتل

عبدالله باتل .......البحر الميت

بل هو البحر الحى النابض بالعطاء والابداع

عندما تقراء لهذا الشاعر

تقف اجلالً واكراماً للابداع لااريد ان احرمكم من عطاء هذا المبدع ولا اريد ان اطيل عليكم....

احداث سبتمبر وبـوش وفلسطيـن=وشـارون والضفةوياسـر عرفـات
كشمير باكستان والهنـد والصيـن=وصـدام واحزابـه وترقيـع مافـات
وافغان ابـن لادن ومـلاه والسيـن=والجيم باللي راحوا اشتات واشتـات
وشمعون بن بيريز واسحاق رابيـن=ان كـان فتشنـا بوسـط الملـفـات
ومفاوض عريقات والشيـخ ياسيـن=وفتح وحماس ومن بقى حي من مات
وين العروبة وين الاسـلام والديـن=وين الشجاعة والظفر ويـن الاثبـات
ياهل السطر ياهل الخطر بالميادين=والله ياهـى مهزلـه وانكـسـارات
واطفال وحجاره وعجز ومساكيـن=ومداهمـات وفبركـه واعتـقـالات
ومجنـزرات وقتـل نـاس برييـن=بلا سبـب تهـدم عليهـم عمـارات
طالع وبالشاشـه تشـوف الثعابيـن=وتشوف كيف الجـور والاغتيـالات
خوف ودهر وان الدهر له معاويـن=فى كل يـوم مطوحييـن بالاصـوات
لكن جميع الناس بـالارض قاسيـن=ماحالهم من كـل الاقطـار فزعـات
ماينطبـق معقـول كـل القوانيـن=على الفلسطيني من النـاس بالـذات
وين الصليب اللي بلانسان معنيـن=ومنظمـات الحـق والاضطـهـادات
وكلً يقول اليـا ذكرهـم ملاعيـن=وعلى الجميع ان قلتها حـق لعنـات
يااحفـاد قـوم القادسيـه وحطيـن=اللي جميعاً قدمـوا اليـوام عـارات
سادت بني صهيون واصحابها اثنين=ورفرف علمهـم عندنـا بالسفـارات
ولندن واشنطن وباريـس راضيـن=والحكم لاهل الغطرسه والحضـارات
وباشا وتاشا اسلام بالنـوم غافيـن=ناموا ولاقامـوا وصـاروا خواجـات
ياعريبنا اصحوا لاتصيروا مجانيـن=وكلً علـى الثانـي يـدور حيـالات
الارض فيهـا عايشينـن ملايـيـن=لكن امريكـا فـي يديهـا القـرارات
وياقدس ياقـدس الهـدى والنبييـن=يامسجـد نـزل بـك الله الايــات
فى غربتك عند اليهـود الخسيسيـن=مدري متى وسطك نصلى الصلـوات
ياثلثنا اللـي يكتمـل فيـك ثلثيـن=ياثلـم مثلـومٍ بـلاسـلام بسـكـات
مالمسلمين بدون شوفـك عزيزيـن=ولا عليهـم فـي غيابـك حسوفـات
اعيونهـم مكـسـورة بالبـلاديـن=وسلاحهم شجـبٍ وترديـد الهتافـات
ولا للجهـاد ابـلاد والا ميـاديـن=مافيـه تلقـا الا مسـارح وبـارات
مير انتظر واصبر على العسر والين=وتبـي بعـون الله تـدور المـدارات
والله ياقـدس ودي اجيـك هلحيـن=لكـن ملـي حـول ولا حــوالات
نعيش فى ذلـه ونعمـه محاطيـن=ريش وغوزيـات دسمـه وكبسـات
ناكل وفيك نطالع الجـرح لاهيـن=وظهـرً وعصـرً نقـرا المـقـالات