محاورة فيحان المهيمزي=ودحيم الخياري
 

بسم الله الرحمن الرحيم اما بعد هاذه محاوره بيني وبين دحيم الخياري قبل شهر

فيحان المهيمزي

من هجوس الشاعر اللي بالمواقف مستعده======ياسلام الله على قومن رفيعن مستواها
ودنا نمشي معاكم بالدروب المجرهده========خلها يابوعزيز تشبه النار او سناها

دحيم الخياري
من هجوسن تعرف المدالجزل وتعرف رده======مرحبا ترحيبتن تضفي عليك امبتداها
مدلي يمناك ومدلك مثل اللي تمده=========والهبايب ما تخل السفني تمشي في هواها

فيحان المهيمزي
كثرو الفرسان كلن ماسكن سيفه يحده =========والذياب احيان تسري مير ما تلقا عشاها
ويش رايك فالكلام اللي تقوله قبل مده==========يادحيم سالفه لاعلها ولاعساها

دحيم الخياري
مايصح الا الصحيح العلم عن صاحبك رده========والبحور اللي تصافق يغرقن السفني ماها
الولد لو يعتزي في فعل ابوه او فعل جده========كان ماياكل مع اهل العرف بيدينه كلاها

فيحان المهيمزي
كل بحرن يادحيم عارفن جزره ومده==========مير ما كل من يدور جاجتله ما لقاها
اشهدنك يالخياري كل العلم اتكون قده======== قالها اللي والله انه مايبا شين وراها


دحيم الخياري
المراجل من بغاها ما يكبر بالمخده ======== يتعب الاقدام لو الرجل تشكي من حفاها



والسلام عليكم ورحمة الله وبركاته ونتمنى ان تعجبكم

صح اللسانك وصح للسان دحيم وصراحه محاوره جزله وياليت اذا عند ك من هالمحاوراه الطيبه انك تنزلها بالمنتدى الانها ممتعه

صح بدنك ياسلمان العويمري وعطيك العافيه

صح لسانك ولسان الشاعر دحيم الخيار ي

محاورة جزلة

تقبل مروري

محااوره كويسه

يعطيكم العاافيه والى الامااام

يعطيم العافيه على المرور