قبيلة بني رشيد - أبشر المملكة - سليمان دويهيس الرشيدي

السلام عليكم و رحمة الله وبركاته

أقدم لكم قصيدة للشاعر / سليمان دويهيس القلادي الرشيدي ( أبو خالد )

أبشّر المملكة و الشعب ببشارة == على سلامة ملكنا طيب السيرة

الله يـحفـظه لـنا و يـعيد لـديـاره == المملكة تفتخر به ما تبي غيره

و الشعب ينشد عنه و يتابع أخباره == سلامته فرحة الشعب و تباشيره

عساه ما يشتكي من الباس و أضراره == يطيب بأمر الولي و يزول تأثيره

مشتاقتله فيافي نـجد و أقـطاره == طول غيابه شوي و صابها حيرة

و أقول يا نجد لا تشكين مشواره == يسرنا بالـخبر نـجاح تـقريـره

ولد موحد وطننا عاشت أذكاره == من شجرة الخير ننعم كلنا بخيره

تعطي يمينه عطاء ما تدري يساره == الله يحفظه من العثرات و يجيره

و يعود يم الوطن و يشاهد أنواره == ياصل بلاده بفضل الله و تيسيره

يكف دمعة يتيم(ن) هلت أعباره == و يعيش بظله كبير القوم و صغيره

و يسعى لتقدم وطننا و نهضة أعماره == و يحب شعبه و يسعى لأجل تطويره

و أغنى الفقارى و حطوا بيع و تجاره == من شان شعبه ما حسب في مخاسيره

و يصد راع الفتن لا ولعت ناره == ما يطيع من غره إبليس و جماهيره

يدعيه للحق ثم يتابع أفكاره == إن طاع و إلا ما يسعى له على الخيرة

يسنع المنحرف لا عميت أبصاره == ما يستمع فيه راعي الشور و مشيره

و سلطان باللازمة يا طيب مقداره == لا قـال قـول(ن) يـنـفذ دون تـأخيره

هذا ولي العهد ما تقصر أشباره == حماية للوطن لا صار بها ذيرة

[/frame]