http://im.gulfup.com/2011-01-26/12960731581.gif




/



{هملتني / للحزن / والعبره / وليلـي / الطيـوف !!
......................وخليتني ما بين لوعـات .. ( الهمـوم الاربعـه )}
،
{حزن ٍ / غدا طابع حياتي كل ما اغمـض واشـوف
......................مدري هو اللـي كـان يتبعنـي أو انـي اتبعـه !! }
،
{والعبره / .. اللي هلها رجـال .. والسبـه هنـوف
......................ليلة مساء ذاك الـوداع .. وهـل صافـي مدمعـه}
،
{وليل ٍ / بدونك .. ظلمته (غربه) ولحظاته (سيوف)
......................تقطع جدار الصمت .. في صدري وتمسي بضلعـه }
،
{وطيف ٍ / يداعب خاطري حتى وانا بين الضيـوف
......................ومن قال وش بك يا ولد .. سرحااان .. ازريت اقنعه}
،
{وش باتعذر به !! وانا مابين هـم .. وبيـن خـوف
......................وشوق .. يغايض قلبـي المجـروح حتـى ينزعـه}
،
{لو انها بالزين .. كان الزين مـن غيـرك الـووف
......................المشكله .. ( حب العمى ) .. يا جعل ربـي يقلعـه}
،
{ان ابتعدت آموت هم .. وكل ما جي لـك شغـوف
......................كنك تعمد ( ضيقة الخاطر ) .. ولو فيهـا سعـه !!}
،
{اواه يا قلب ٍ تركته لـك !! علـى بيـض الكفـوف
......................واللي مهو يصدق !! على كفـك يلاقـي مصرعـه }
،
{تشوفني وتصد منـي.. لا !! ولا كنـك تشـوف !!
......................تقدر على وصلـي واحسـك قـدك نـاوي تقطعـه }
،
{تقول صبرك !! والصبر ليتـه يبـرد حـر جـوف
......................اسهر ليالي البعد .. لين الفجر .. يبلـج مطلعـه !!}
،
{(( غيابك القاسي .. وباقي لهفتي واقسى الظـروف
......................ما غيرت قلب .. ما هو يبغي تكون .. إلا معـه ))}
،
{إن كان ربي كاتبك لي .. فأنت لي .. رغم الانـوف
......................واذا القدر ما عـاد ردك .. يستحيـل ان امنعـه !! }
،
{انت .. ومشيت وما عرف وشهي نهاية ذاالصـروف
......................وصوتك / ما انا بداري .. هو ربي كاتب ٍ لي اسمعه}
،
{لا قدك ناوي ترحل وتقفي معـا بيـض القنـوف !!
......................قلب ٍ خذيته من صدر راعيـه .. تكفـى رجعـه !! }



http://im.gulfup.com/2011-01-26/12960731582.gif






مدري من هي له أعجبتني ونقلتها لكم

اقتباس من مشاركة el3nod-al (المشاركة 2113600) {تشوفني وتصد منـي.. لا !! ولا كنـك تشـوف !! ......................تقدر على وصلـي واحسـك قـدك نـاوي تقطعـه } ، {تقول صبرك !! والصبر ليتـه يبـرد حـر جـوف ......................اسهر ليالي البعد .. لين الفجر .. يبلـج مطلعـه !!} روعه اخوي العبسي اختيار موفق تحياتي لك

اقتباس من مشاركة الفجر البعيد (المشاركة 2113601) {وليل ٍ / بدونك .. ظلمته (غربه) ولحظاته (سيوف) ......................تقطع جدار الصمت .. في صدري وتمسي بضلعـه صح لسان شاعرهاااا ولا هنت يا العبسي على القصيدهـ