هيجن الماء ونجم السامرية عرض=والقصايد تهز من الطرب كتفها
هات كل الكلام الطيب المفترض=اجمعه وانثره ياراغبٍ وصفها
تبلغ الحسبة اللي ماوفت بالغرض=واهني من يطول الربع من نصفها
وردة العز في بستانها اللي نهض=بالشرف والمكارم والشيم حفها

هذي اللي بخل سلطانها واعترض=لغير عبدالعزيز محرم قطفها
كل حسن سبقها تلحقه في بعض=حسنها وتخطاه بطرف كفها
لو تمر (العنود) بدارس ماحفظ=ولو تمر المطوع عن صلاته فها
نبض قلب سليم وغمض رمش مرض=تترك العالمين اجمع فـ / طول إسمها

عذرها القحويان إليا زعل وامتعض=وينها ووين طيب لفته ولفها
كل عشب تدوسه في قدمها خفض=جانح الذل من رحمته في لطفها
وكل صبح مثل طفل صغير ركض=قاضب ردون ثوب الشمس من خلفها
ربي بعينك اللي جفنها ماغمض=اكفها شر عين الحاسدين اكفها


شتت الليل برق في سماها ومض=قال من عمها نايف كذا نوفها
وانت (عبدالعزيز) اللي بكفه قبض=جمرة الدين لكن مارضى عسفها
ألين من النسيم لـ صاحبه وإن غلظ=تكتشف قرب روس أعداه من حتفها
فرحة المملكة في كل بيت انتفض=ريش ضو الفوانيس وحلى عزفها

اقتباس من مشاركة نوماس5 (المشاركة 2092230) هالله ذووق صح لسآآنك بيض الله وجهك على النقل