قبيلة بني رشيد - (رجس رعآد) بين سطام الأيداء وعبدالله الحميدي

ردية حصرية بين الشاعر القدير سطام مشهور الأيدا

والشاعر الجميل العذب الرائع عبدالله الحميدي

http://bani-3abs.com/uup//uploads/im...77cefdc5ac.jpg

وقد خصنا حصريا بالردية وهالصورة الحصرية

http://bani-3abs.com/uup//uploads/im...ae1b4c1ea6.jpg

طبعا بعد ماصار أب من يومين ونبارك له هنا بشبكة عبس المولوده الجميله (رفيف) جعلها الله من مواليد السعادة

يقول الشاعر سطام بن مشهور الأيدا :

يمر في صوتك مطانيخ واجواد=الطيب كم خضّب وعطّر لحاهم
(بني رشيد) ليا تذكرت الامجاد=المسعد اللي ماغدا من عداهم
كم (شيخ) حوّل به على الموت وراد=كنه على مفارق حياته نخاهم
شجعان لاثارت بواريد واسياد=والله مايلحق قصيدي مداهم
والطيب ورث ومنبعه كف الاجداد=يطول ماياصل لشرفة سماهم

ثم أتى الرد من الرائع شاعرنا عبدالله الحميدي

الفجر جا صوتك .. وله رجس رعّاد=وبالروح له ينهمني الفين ناهم
صوتا يصوت لي على كل الاشهاد=من قلب رجل وشاعر وشيخ فاهم
من وايل , ووايل ماتعرف بالاعداد=بالفعل كثروا وكبروا عن سواهم
حكام , واكرام , وسلاطين , ينعاد=ذكر الزمن لامجادهم , لا تباهم
من حقهم , كن الفخر سيل وانقاد=حتى غدا ماهم , ومروي ضماهم
لاهنت .. ياوجه المراجل (والاعياد=بمواصلك ).. وانا ماني فيك واهم