لاهنت يالمرسول
 

لاهنت يالمرسول ود المراسيل..يم الحبيب اللي غيابه كواني
راح وتركني للسهر والغرابيل..قفى ولامن حضرته رد جاني
هات الخبر عن غيبته بالتفاصيل.. واسرع ان كانه قال لك علم ثاني
اقفى عقب حلو اللقاءوالمواصيل..من عقب ماله حط قدرومكاني
لجله مخلي لابسات البناطيل..واشتقت فيه وفيه ربي بلاني
رجلي يمه مقفيات ومقابيل..من شان بس اشوف زوله ثواني
الله واكبر لاذكرت المداهيل..ايام قلبه للمحبه دعاني
يومه يجي لاناموا اهل العواذيل..في ساعتن قبل الفجرلايباني
ماغيراناوياه والثالث الليل..جلسة خفا خايف حدن لايراني
وعندالوداع يهل دمعه هماليل.وامسح دموعه فوق حمرالاوجاني
ايام عشنا حلوها والتعاليل..اسعد ليالي عمرنا والزماني

صح الســــــان شاعره
وصح ذوقك واختيارك
ابيات جميله ومعاني اجمل
راقت لنا واستمتعنا بمفرداتها
لاهنت لك شكري

الله الله عليك
وصح لسانك
والله يعطيك العافيه

وعند الوداع يهل دمعه هماليا.وامسح دموعه فوق حمر الاوجاني
ولاهنت

ولك تقديري وشكري

الجميع الاعزاء/اشكركم