قبيلة بني رشيد - صحيح احساسي ضيعني وطيبي حيل بهذلني

لعلمـك والزمان اللــي رمانــي لك يعلمني
................ اعز النفـس وبصبــر الشموخ بـدمي ارويها

حسبتــك من جــروح الوقت والايام ترفعني
................ وتحط روحي علـى كفيك في عـز وتداريهــا

حسبتك را س اكيـد الراس للامجاد ياخذني
................ ولا فكـــــرت مثلـك للــوطى عيونه يمشيها

تبي ذلي تهبى لاانـت ولا هالـوقت يذللنــي
................ عيونــك للوطى وعيني على القمرا اضريها

صحيح الشوق لأرواق الرصيف المــر يدفعني
................ وتفاصيل الحنيـن هنـاك فـــي بالي اناديهـــا

ولكـن توصــل لنـشــــوة غرورك ماتقدرني
................ تحسب اني ارد باشــواق عمري لك واهديها

غريبه كنـــت احـسب انك مع الايام تعرفني
................ مع انك تـدري اني لابغيـت اعميــــها اعميها

صحيح احساسي ضيعني وطيبي حيل بهذلني
................ ومعك لا ينفــع الاحسـاس والطيبه ومعـانيها

واذا فــي يــوم اشـواقي تبي عندك توصلني
................ ومن كفــوف الوله تاخـــذ يديني لك توديها

يميــن الله ولا لـك غيــــــر يمين الله تحلفني
................ اذا نفسـي تــوصلـــني لمثلــك والله لأفنيها