|
قصايد للقسورة ومجموعه من الشعراء
السلام عليكم ورحمة الله وبركاته
اليكم هذي القصيدة وهي تعبر عن نفسها
الا يامل قلبن يتله داعي الطيب = يسووقه للحميه مثل سووق الزماله مشاريه الوفاء كنها حرش العراقيب = مناجيبن تقادا علي درووب الجماله مزاينها ينوومس ومجناها مكاسيب = تفووز ابها رجال الوفاء مع كل قاله علي وضح النقاء ماتزاحمها الخطاطيب = وكلٍ عند رد البرا تارد جماله وانا مارد زملي مغثربت المشاريب = ولا قالووا يطيب الولد من طيب خاله نجايبنا نجاذب لها اكبار المغاريب = وابوو حظٍ ردي عادته تقصر حباله وعلي طاري الوفاء والنشاما والمواجيب = يجي في ثوومة القلب للطيب اشتغاله تلووج بقلبي الي هواجسيه محاضيب = علي جمر الغضا كل ما فوح دلاله هواجيسن تلووفه علي غياب الاصاحيب = مثل لووف الهوا للغضا بعد اشتعاله علي هوونك تركني مابين الضلع والذيب = ولا ادري وين قفت عن الديره رحاله عسي ربي يجيبك ياعريب المجاذيب = يامحزم قسوره ساعة الضيق وعقاله وترا صاحبك يمك يتله داعي الطيب = ويسووقه بالحميه مثل سووق الزماله |
صح لسانك وننتظر عودته
|
الله وكبر يا سلام
يعني خاربه خاربه ولا ترصدوا الا لشاعرنا المميز على هونك يهب يالمحباله اتهم الخشف وحزبها ولا غير كذا حرام ما ينصاد مهما تكون قوة استخباراتهم لكونه حذر وذكي وشاعر نبيه بس رفقآ بالقوارير .. صح السانك يالقسوره فهذه القصيده يحلوا ليّ أن اسميها الشامله الذي لم تترك لا كبيره ولا صغيره لكل صديق وعدوا ... ننتظر ماذا يقولون الاتحاديون |
قصيده وافيه من شاعر وافي بالشعر والادب والاخوه
وان شاء الله يعود الغايب على هونك بالسلامه |
ماشاء الله تبارك الله
قصيده وافيه واعتقد انها اكبر من موضوعها بالجزاله صح السانك |
شف يالقسوره انت غالي
بس مايطلق الرجال الا بضريبه وواسطه من عنتر الرجال مختطف من قبل غرك زمانك ويمشي بجنازته بس انا عشان قصيدتك وخوتك وطيبتك لخويك علمتك. |
إقتباس:
صح السانك وهذا ردي ملاحظة لابد من القراة بدقة وذلك يعودد للحن القافية لحيث يتطلب منك الوقفة وهي غير محددة ولكن اشرة للوقفة في هذه العلامة ! ياعذبات المثايل ! تعالن لي محاضيب = بالسرعة رمش عين ترف أبها العجالة تعالن مثل مزنن ! نشاء من غرب ومغيب = تلاحق طوله لليله وهو ماانوا خياله باهوجاس ألوفا والشرف ! والصدق والطيب = لاحتى البيت يثقل بميزان العدالة تراكن بالوازم ! صدوقات المناديب = وأنا ماخترتكن غير أدور للجمالة أبا مغباشكن بالخبر ! مثل المشاهيب = تحت كبد السما اوداكن الليل وضلاله محملكن رسالة ! وفاء من اصحيب لصحيب = وفا مايغيره طايل الوقت ومياله بداية في سلاماً ! حلو عذق المراطيب = طواليعن على ساقية بخشاً زلاله وخبر عن حالتي يوم ! أبين نووب وأغيب = وسوالاً له يبا ينشده وشلون حاله وبعدها علم ثاني ! وسره في بطن غيب = وهو يعرف كلامي دقاقه مع جلاله وآنا يالقسورة غيبتي ! هي نومت الذئب = لو ينام أب يمينه يراقب في شماله وحقيقة يوم ضاعت ! عناوين المكاتيب = وعلى وضح أنقا ريع العصر بضلاله قنعنا من معاين ! طويلات المراقيب = خصوصاً كل ماقرب العصر وزواله وحنا عشقنا شييّب ! قبل لعمارنا اتشيب = لوانا كد عطينا جفا الوقت احتماله حقيقة كل خاطر ! مطاب اليوم بيطيب = وهذا محصلي وما صار بخلاله ولوان العد غثرب ! وسمجن المشاريب = يعنيني لزووم المروة والشكاله واناعندك بحزة ! لزوم الواجب أقريب = وجاهز للقشر كان ماحصل بداله وحنا منا بعضنا ! الياعطبنا المظاريب = بعد يومين وتشوف بالسوق البطالة واذا هي حل سلمي ! احيي فيه وأنيب = ولواني حماسي مع الحرب وقتاله وقل للوقت يلي ! على ميلاتك انهيب = خسرنا إلي خسرنا ومكسبنا ألرجاله |
صح الله السنتكم شعار مافيكم حيله وبيض الله وجيهكم على الجزاله والابداع
|
| الساعة الآن +4: 07:12 AM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
