خلاص يالنجم الثلاثي بلاعذار = تمت وانا مهلهل سلامة نجاتي
من لاكفخ عن الرديه ولاطار = يصبح بدوامه تخل الثباتي
وانا كفخت ولاتحريت الاخبار = مالي على سمع النميمه شافتي
شفت الذهول اللي ملاء القلب تعبار = بانت نواياء قلوبها الخافياتي
من لاحسب شيمه ولاحط مقدار = عندي سواة اللي يروج الشفاتي
لصار ماهو لطويلات سبار = مالي شفاوه بخوته ياغناتي
نجوم بانت ماعلى نورها غبار = اتنبه اللي دالهن بغفلاتي
يانجمي الاول عليك الرحى دار = غصونك الخضراء قفاها المماتي
ويانجمي الثاني توقع ولاتغار = معروفه الغيره طبوع البناتي
ويانجمي الثالث يبي اللعب شطار = وانت الغبي اللي قلبت العباتي
يانجوم حلي وارجع بقاع الاقفار = ماعاد لك بمنافس الشامخاتي
سبحان من بدل هل الدار والدار = ونزل صروحن بالسماء عالياتي
من عقب ماهي تزين مع طول الاعمار = صارت اثار تمرها الذكرياتي
هذا زمان يشجع البس والفار = ويهد حيل اسباعه الصارماتي