الاربعاء فرصة الناس المجانينا=من العجاله بعضهم يترك انعاله
من يوم الاثنين للخط متواصينا=كلن على موتره ويسابق ضلاله
والا العوج مخزي ٍ كل الشياطينا=مبسوط ومريح ومستانس وداله
لكن الاجهر يكيل الصاع صاعينا=اينفض ايدينه مع الخليان والحاله
ويقول قربت لديار الكريمينا=يازين واد الرمه والضرب وجباله
وهو متحسف لكن ماهو مصافينا=يازين شكله لاجنا مصاغي اعقاله ههههه
يقلد الناس ولايبغى يخاوينا=واخاف بكره علينا يكثر خباله
ويزعل الياحل بين الناس طارينا=ياقف على كل جرف ٍ فيه مهياله
والضعف والكذب يالاجهر ماهو فينا=وعن كل ماقلت الاعوج تكرم اسباله
واللي نظم لك بيوتك لايجارينا=يطيح في ليل ٍ اسود غايب هلاله
على بحور الشعر ترسي مؤانينا=والبحر لاهاج من ياقف على جاله
ونشيل ماتشيله ظهور البعارينا=مايهمنا خفافه ولايهمنا ثقاله
لكن عود على دار المحبينا=البعد فرقاء الحبايب يقطع وصاله
العام منته مع الناس البسيطينا=قوم ٍ تخلي عروق القلب شلاله
ابراي لله ماذكرو رديينا=كل ٍ يكيل الوفاء والطيب مكياله
الله يعزك وهم ناس ٍ عزيزينا=وعويج يفهم بمظهار ومدخاله
واخر كلامي نصيحه لاتقاوينا=وعلم خويك حمل غيره لايشتاله

ترى الرسايل تبينها العناوينا = ادفع رساله يجيك الرد برساله
حنا هل الشعر في كل الميادينا = يوم دلو الشقاء صبه على جاله
لو كنت بالهند ولا كنت بصينا = من عال قال المثل تاتيه عياله
بيني وبينك مرجحة الموازينا = كل يقدم يابو عوجان معداله
الكل دعوى يابو عوجه قوانينا = وتخمخم الناس طعني لاتضراله
ياعين ياليل ياليلي وياعينا = مع الدروب العسيرة وش تلواله
حنا نظرنا مع العالم يقدينا = ولا عيون الحول يربع منحاله
ديارنا عن ديار القوم تشفينا= ياذا الولد ما عجبة ثوبة وتفصاله
ماني بحاجة للدنينا والقصينا = والا فيه شي علينا صعب ميصاله
انت امتمادي وحنا ما تمادينا = ترى اقشر الناس في نفسة يوراله
ليا ارتخاء شيلكم بالشعر شدينا = هجوس الا جهر لبدع القاف شغاله
لو هاج بحرك ترى ماهو بحادينا = عان البواخر لراس الموج حلاله
مابة لزومن وقف نابه ماسدينا = والموقف الصعب كل يعرف ارجاله
في قمة المجد باذن الله عدينا = لو صعب مرقاة ياعويجان نرقاله
الله يهديك ثم الله يهدينا = راع الخطاء طول عمرى ما تحلواله