قـــصيدة مدح لشاعر.ذويب رجا الخياري الرشيدي
 

هذه قصيدة لشاعر.ذويب رجا الخياري الرشيدي
ومهداة إلي فاطم عبيد الله الخياري الرشيدي
وهو يمتدح فيها هذا الرجل الوفي والصديق المقرب إلى قلبه

[POEM="font="Arabic Transparent,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ابتدينا بسم رب الملا الواحد الحي الكريم=الله اللي يرزق العبد غفار الذنوب
الشدايد والتجارب لها فضل عظيم=والزمان دروس مابين نجوح ورسوب
المواقف عرفتنا الصديق من الخصيم=لين عرفنا الحقايق وقصينا الدروب
لحداك الوقت حذرا عن عيال الرخيم=ليغرك لمعة الوجه في غتره وثوب
ألردي لامنه بغى منك شيطان رجيم=وان بغيته مالقيته سريع بالهروب
ألردي ساسه ردي من رجال ومن حريم=والعرب تعرف كلام الصدوق من الكذوب
والوفاء مثل الحياء ينبت عروق الهشيم=والردى مثل الدهر عله من كل صوب
الوفاء صبر وعزم بالنشا ما مستديم=والردى قال المثل لاجلوب ولا حلوب
راكب اللي مصنعه فخم والمركب فخيم=وارد اليابان وأخر موديل من الجيوب
ابيضاً كنه اللؤلؤ مبروم بريم=إن تغشته تقل لون قطنه وسط كوب
المراتب ريش نعام مدري جلد ريم=مايتعب سايقه بالمسافة والركوب
المكيف مركزي مثل ذع ذاع النسيم=لو يحط الثلج وسط الغماره مايذوب
يوم روح تقل غرنوق يلعب وسط غيم=راح مثل ظل السحابة يباري للهبوب
إن نطحته تقل بدراً سطع من وسط غيم=والشهر تسعه على خمسه بضبط محسوب
وان تقفيته تقل برقاً لمع في ليلٍ ظليم=ظافين مزنه على نجد والبارق شبوب
كن صوته صوت مزنٍ رعدهن له رزيم=وسطهن برق ورعد والمطر من كل صوب
من روابي نجد روح من أطراف القصيم=ناوين دار المعازيب قدام الغروب
ضربه خط الفويلق على خط العظيم=سنده مابين حبشي ومن بين الهظوب
سايقه حريف ماسا قه غشيم=بالأمانة والثقة والعقل رجالٍ محسوب
ناحين فاطم ولد شايبٍ فعله قديم=شاع ذكره بالوفاء بالشمال وبالجنوب
أبو عبد الله راع الجود رفيقاً حشيم=الشجاع اللي لياقام بالواجب ينوب
يالله انك تسكن أبوه جنات النعيم=ياعظيم الكون ياعالم سر الغيوب[/POEM]

والسلام

رد : قـــصيدة مدح لشاعر.ذويب رجا الخياري الرشيدي
 

[POEM="font="Simplified Arabic,4,red,normal,normal" bkcolor="transparent" bkimage="./images/backgrounds/70.gif" border="none,4,gray" type=2 line=0 align=center use=ex num="0,black""]
ألردي ساسه ردي من رجال ومن حريم=والعرب تعرف كلام الصدوق من الكذوب
والوفاء مثل الحياء ينبت عروق الهشيم=والردى مثل الدهر عله من كل صوب
الوفاء صبر وعزم بالنشا ما مستديم=والردى قال المثل لاجلوب ولا حلوب[/POEM]

رد : قـــصيدة مدح لشاعر.ذويب رجا الخياري الرشيدي
 

رد : قـــصيدة مدح لشاعر.ذويب رجا الخياري الرشيدي
 

الاخ عبودي الجنوبي

صح السانك ولسان ذويب رجاء الخياري

رد : قـــصيدة مدح لشاعر.ذويب رجا الخياري الرشيدي
 

صح لسان الشاعر ذويب الخياري على هذه الرائعة .. وبيض الله وجهك على هذا النقل الطيب.. الجنوبي

رد : قـــصيدة مدح لشاعر.ذويب رجا الخياري الرشيدي