قبيلة بني رشيد - فتحت لك باب الهوا وانت جحاد ( مبارك السوارج ) اهداء لـ منتدى عبـس

قبيلة بني رشيد (http://ban3abs.com/aa/index.php)

- منتدى الشـــعــــر (http://ban3abs.com/aa/forumdisplay.php?f=57)

فتحت لك باب الهوا وانت جحاد ( مبارك السوارج ) اهداء لـ منتدى عبـس

بسم الله الرحمن الرحيم هذي قصيده اخر وحده كتبتها واهديها لكم واتمنى ان تحوز على رضـــاكم ..

يا مرحبا يا اللي لك القلب ينقاد=قود العسيف اللي تقاد برسنها
شوفك غناه وبعدكم هم واجهاد=وروحي معك بالحب لا تمتحنها
تراي مابي منك شرب ٍ ولا زاد=الا السلوم الطيبات وعلنها
وانته بسد الوجه عن كل نقاد=مدام غال الروح تسكن بدنها
يا عود بردين على نهر بغداد=وحواجبن سحر الهوا صنع منها
وخد ٍ قمر ثمان مع سبع بعداد=نوره على اقصا شامها مع يمنها
فتحت لك باب الهوا وانت جحاد=تامر على الروح العزيزه وتنها
اعطف علي وضمني بين الانهاد=ونزلي الهامه وهذا ثمنها

وسلامتكم ..

محبكم : مبارك رشيد السوارج

صح لسانك ياشاعرنا مبارك السوارج

قصيده أكثر من رائعه وجزله من راسً جزل

لاتحرمنا من جديدك والله اني من المتابعين لقصايدك

إقتباس:

اقتباس من مشاركة مبارك السوارج (المشاركة 1997505)

تراي مابي منك شرب ٍ ولا زاد=الا السلوم الطيبات وعلنها

الله الله الله

صح لسآنك ولاهنت

اعجبني وربي

دمت بخير

مباركـ
\\
صح لسانكـ ...ابيات جميله بقدر صاحبها الخلوق
الله يعطيكـ العافيه ..دمت مبدع ..!!

شكرررررالك ع هذا القصيدة لرايعه

صح لسانك وبيض الله وجهك على الجزله من شاعرن جزل

صح السانك يالسوارج

صح لسانك واعتلا شانك ...