سلام لك من واحداً يشكي الحال=يشكي وعيت دنيتة لاتروفي
مايشتكي فرقى حبايب ولا مال=يشكي من الطعنه بوسط الكتوفي
ياعم دمعي فوق الاوجان همال=ظلم القرايب سم ذقته سفوفي
اخطو علي بثالث ايام شوال=اخطو وقلت الذيب طبعه يشوفي
ماني بسامع كلمه اللاش لاقال=هذا ترى ناقص وهذا لقوفي
جيتك وانا رجال وخصومي رجال=جيتك وقصدي ترجمنه حروفي
همي بوسط الروح ماكن ولازال=مالي جدا ياكود صفق الكفوفي
ياعم دامك للصعيبات حلال=حل المشاكل جعلها للدلوفي
ترى عزي لاصطفق جال مع جال=وتراي سيفك لاوصلت للسيوفي
يابن الذي تضربه الناس الامثال=بالطيب مع كلمه هلا للضيوفي
العود جدي جعله بخير منزال=في جنه الفردوس جعله يطوفي
هذي حقيقة مابها ايه جدال=انت العوض لو هي تزيد الحلوفي
اقسم بمن نزل تبارك والانفال=انك عضيدي وانك اغلى سيوفي