من الشعيبه قبلن خب صبحان = لاما بدا روس المجالس قبالي
روس الطعوس اللي بها احفور غيطان = هذا يطمني وهذا بدالي
وعلى اجبله ياشوق مردوع الاوجان = تنحرن وادي من الوسم سالي
وادي يسمى واسمه الاصل فيحان = تليمت به كل شرق والشمالي
واتعبت روحي عند حلوات الالبان = وتركت راعيت الغنم والعيالي
ياقربهم وان كان سالن الاوطان = كم سهلت(ن) يطونها بالمحالي
حم الذراء ماهي قراقير طليان = مايهمها ياحميد طرق السهالي
الياغابت الجوزاء وسهيل مابان = حتى الثرياء خافقه يا حلالي
وردن على عداً حسينات الالوان = شربً غثابيره وماه الزلالي
تنحر(ن) وادي القهد يابو ختلان = تنحر(ن) وادن مربى المتالي
مدهال وضح(ن) شلعت تقل ريلان = وادي محبن لنياق الغوالي
الشاعر/ سعود حنيفان العويمري(رحمه الله)