عديت في حزم طويل معداه = العصر عديته حلول البرادي
الله على حمرا من الهجن معفاه = حزبرتن من قاطعات الريادي
هي منوة اللي بعيدن دناياه = اسبق من ذيب سرى الليل عادي
اليا من اهل عوص أنظاء قطرو ماه = تسمع صرير الكور مثل المنادي
يشدى لصيداً جافلن من معشاه = لاروحوا مايسمعون التنادي
وردن على عداً بعيداً ومضماه = خلن جلاد الارض مثل الرمادي
عداً سخيف الروح كد شرب من ماه = نشميةً مادنقت للفسادي
ابوجديلً فوق الامتان يزهاه = ذيل المهار مضريه لطرادي
يالله ياللي ماتقصر عطاياه = يالله ياعالم حساب العبادي
ماعقب مية عام حنا حسبناه = يكفن عن شيً وراهن وزادي
كم واحداً قفا عن المال خلاه = خلاه يوم أنه وصله العدادي
ماينمسك شيً اليا وصل مشهاه = هذا الصحيح وكل قولي وكادي
ماينفعك لو قلت لاوحلولاه = كثر التمني مايفيد الفوادي
الموت لامنه بغى العبد يلقاه = ماينفعه لولم كل البوادي
هذا يتعشابه وهذا يتغداه = روح بشجعان العيال السدادي
اللي يفكون العشا ئر بمفلاه = اليا ثار ملح مصلفحات الهنادي
الدور الاول يالمقوعي تركناه = تراه ماينفع كثير الدوادي
كم عشبةً لا يالمقوعي رعيناه = دسناه با اللي يبعدن المنادي
ماكن حنا يالمقوعي حلبناه = ولاكن حنا نصرها بالتوادي
هذاك دور راح منته بوياه = اخلى مراتع قاطعات الحمادي
نفح العضود اللي بعيد معشاه = تقطع رهاريه الديار البعادي
الموت ياقشره على الناس قشراه = روح بشجعان العيال السنادي
وجدي وجدك يالمقوعي تعشاه = وابوي هو وابوك هذا الوكادي
واللي بقا لايالمقوعي تقفاه = يروح ماعنهم عريب ينادي
وين الرجال اللي من اول عرفناه = هو وين راحوا راكبين الشدادي
غدتبهم سود اليال المهباه = قبائل ماينعرف له عدادي