قبيلة بني رشيد - من يشتــــم المجنووون ماهو بصآإآإآحــي...!!!!

[frame="7 80"]

من ليلة البـارح وحابسنـي الضيـق عسى صباح اليـوم يطلـق سراحـي
وعادت لي الضيقه على فكـة الريـق الله يهوّنـهـا ويسـعـد صـبـاحـي
لا قمـت أدرّجهـا علـى قـد ماطيـق تغانمتنـي مـن جمـيـع النـواحـي
بينـي وبيـن الغرغـره والتشاهيـق أرمـاش عيـن وجلسـة ٍ وإنسداحـي
لاشـك يومـي عنـد رب المخالـيـق اللـي بذكـره بهجتـي وإنشـراحـي
مانيـب وارث غاليـات الصنـاديـق وخزايـن آل سعـود وآل الصبـاحـي
إن عشت .. عشت مع الرجال المطاليق وإن مت .. موتي حق والعمـر ماحـي
هبت همـوم الصـدر جملـه وتفريـق وأزريت أعرّضهـا هبـوب الرياحـي
ما عـذّب الشعّـار غيـر الطواريـق كـل ٍ تعلّـق فـوق قـرن الوضاحـي
موّثقـه مـاعـاد تحـتـاج توثـيـق وأنا قنعت وخاطـري مـا استراحـي
وشاح خملوقه .. علـى أم الخماليـق اللـي تشوفونـه علـيّـه وشـاحـي
أغيب مـن فيـض المحبيّـن وأفيـق وآخـذ بـلا منّـه شهـادة نجـاحـي
والعولمـه تفتـح قـفـول ٍ مغالـيـق وهـذا زمـان الفـتـح والإنفتـاحـي
ماجيتهـا ناكـر وملـحـد وزنـديـق أعرف صلاح الدين وأعرف صلاحـي
لكـنّ ياشاهـق بـروس الشواهـيـق دحدر على ماجـاك وأسـرح وتاحـي
والحرّ لـو يرضـى بحكـم المسابيـق شاب ونبت لـه فـي جناحـه جناحـي
ويزيد غبنـه مـن فـروخ الغرانيـق لا صنّفوهـا مـن طيـور الفـلاحـي
رميـت فـي وجـه اللئيـم المواثيـق وطلبت من وجـه الكريـم السماحـي
ودوّنت فـي قسـم المجانيـن تعليـق من يشتم المجنـون ماهـوب صاحـي

[/frame]